Թուրքիայում նախընտրական քարոզարշավներն ուղեկցվում են զինված հարձակումներով

Տարածաշրջան09:16, 26 Մայիս 2015

Թուրքիայում նախընտրական քարոզարշավներն ուղեկցվում են զինված հարձակումներով

Թուրքիայում հունիսի 7-ին կայանալիք խորհրդարանական ընտրություններից առաջ ծավալվող ընտրապայքարում գնալով մեծանում է լարվածությունը: Ըստ թուրքական «t24» լրատվամիջոցի `Թուրքիայի Բաթման նահանգի Գյուլթեփե թաղամասում իշխող «Արդարություն և զարգացում» (AKP-ԱԶԿ) կուսակցությանը պատկանող ավտոբուսի վրա անհայտ անձինք իրականացրել են զինված հարձակում: Միջադեպի հետևանքով վնասվել է ավտոբուսի դիմապակին: Զոհեր և վիրավորներ չկան:

Թուրքական մեկ այլ «haberler» լրատվամիջոցը տեղեկացնում է, որ մայիսի 26-ին առավոտյան Թուրքիայի ընդդիմադիր «Ժողովրդահանրապետական» (ԺՀԿ-CHP) կուսակցության պատգամավորի թեկնածու տկն Էլիֆ Դողան Թուրքմենի դեմ տեղի է ունեցել զինված հարձակում, որի հետևանքով ԺՀԿ-ի պատգամավորը վիրավորվել է: Այժմ նա գտնվում է հիվանդանոցում բժիշկների վերահսկողության տակ: Հարուցվել է քրգործ, կատարվում է նախաքննություն:

Հիշեցնենք, որ հունիսի 7-ին Թուրքիայում անցկացվելու են խորհրդարանական ընտրություններ: Թուրքիայի ազգային մեծ ժողովը (ԹԱՄԺ-TBMM) միապալատ խորհրդարան է՝ 550 անդամներով: Խորհրդարան անցնելու նվազագույն շեմը 10 տոկոս է: 2007թ. սահմանադրական բարեփոխումների արդյունքում մեկ գումարման խորհրդարանի գործունեության ժամկետը 5-ից կրճատվեց 4 տարվա: Ընտրություններին մասնակցելու է 31 կուսակցություն:

Աղբյուր` Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: