Թուրք հասարակական գործիչը կոչ է անում բացել հայ-թուրքական սահմանը

Հասարակական12:37, 25 Մայիս 2015

Թուրք հասարակական գործիչը կոչ է անում բացել հայ-թուրքական սահմանը

Թուրքիայի «Սոցիալական առաջընթաց» միության (TİDER) նախագահ Մուրաթ Աքքուշը խոսել է հայ-թուրքական, հայ-ադրբեջանական հարաբերությունների և սահմանների բացմանն առնչվող խնդիրների մասին:

Ըստ թուրքական «Hurriyet»-ի` Աքքուշը նշում է, որ հայ-թուրքական սահմանի բացումը ձեռնտու կլինի, թե Հայաստանի և թե Թուրքիայի համար, քանի որ այդ դեպքում ոչ միայն կզարգանան առևտրատնտեսական հարաբերություննները, այլև կստեղծվի հնարավորություն հայ և թուրք ժողովուրդների երկխոսության համար:

Աքքուշի համոզմամբ` Գյումրիին սահմանակից Կարսի Աքյաքայի և Իգդիրի Ալիջան սահմանային անցակետերը հարկավոր է բացել հանրության առաջ:

«Ինչքան էլ սահմանադուռը փակ էլ լինի, միևնույն է, Հայաստանի և Թուրքիայի միջև առևտուրն իրականացվում է Վրաստանի և Իրանի տարածքով: Ամեն օր Երևանից Ստամբուլ չվերթներ են իրականացվում և ավտոբուսներ գնում: Մենք` որպես հասարակական կազմակերպություն, կարծում ենք, որ հարևան երկրի հետ մեր սահմանն անհրաժեշտ է բացել»:

Թուրք գործիչը պնդում է, որ իմաստ չկա հայ-թուրքական սահմանը փակ պահել այն դեպքում, երբ հազարավոր հայեր գալիս են Թուրքիա աշխատելու նպատակով:

«Տարիներ առաջ ես ասում էի, որ հայկական թղթադրամի վրա Արարատի պատկերը կա, թող սահմանը չբացվի: Բայց վերջին հաշվովղ սահմանը բացվի ժողովուրդների միջև երկխոսւթյուն կզարգանա, նախապաշարմուքնները կվերանան»:

Կրկնելով թուրքական անհիմն թեզերը, թե պատմությունը պետք է թողնել պատմաբաններին, Աքքուշը խոսել է նաև հայ-ադրբեջանական հարաբերություններից:

«Մենք ցանկանում ենք, որպեսզի Ադրբեջանի և Հայաստանի միջև գոյություն ունեցող խնդիրները երխոսությամբ կարգավորվեն: Ժողովուրդների միջև հարց չկա: Ազգերի միջև միշտ գոյություն ունի եղբայրություն, խաղաղություն և մարդկային մտերմություն: Պետություններն միշտ իրենց շահերի համար բախումների գնում»:

Նա այն համոզմունքն է հայտնում, թե հայ-թուրքական սահմանի բացումը կնպաստի նաև Հայաստանի և Ադրբեջանի հարաբերությունների կարգավորմանը:

Աղբյուր` Ermenihaber.am