Դիարբեքիրի նորաբաց զբոսայգիներից մեկը կկրի Հրանտ Դինքի անունը

Հասարակական13:57, 25 Մայիս 2015

Դիարբեքիրի նորաբաց զբոսայգիներից մեկը կկրի Հրանտ Դինքի անունը

Դիարբեքիրի (պատմ. Տիգրանակերտ) Քայանփընար շրջանում նոր կառուցված երկու զբոսայգիները կկոչվեն Թուրքիայում սպանված երկու անվանի լրագրողների` Հրանտ Դինքի և Հաֆիզ Աքդեմիրի անուններով:

Թուրքական «haber7» լրատվակայքի հաղորդմամբ` որոշումը կայացվել է Քայանփընարի համայնքային խորհրդի կողմից:

Շրջանի ղեկավար Ալի Այդընն ասել է, որ այգիներն անվանակոչվում են Դինքի և Աքդեմիրի անուններով, որպեսզի ապրեցնեն այն պայքարը, հանուն որի նրանք զոհվեցին:

Այդընը տեղեկացրել է նաև, որ այգիների բացումը տեղի կունենա առաջիկա օրերին` զոհված լրագրողների ընտանիքների մասնակցությամբ:

Հիշեցնենք, որ Հրանտ Դինքը դավադրաբար սպանվեց 2007 թվականի հունվարի 19-ին Ստամբուլի Շիշլի թաղամասում գտնվող «Ակօս» թերթի խմբագրատան առջև:

Աղբյուր` Ermenihaber.am

Այս ենթաբաժնի վերջին նորությունները

14:53, 13 մայ

Հնդիկ վաճառականները կրպակներից հեռացնում են թուրքական ապրանքները (Տեսանյութ)

Ի պատասխան Պակիստանին ցուցաբերած ակնհայտ աջակցության՝ հնդիկները բոյկոտ են սկսել Թուրքիայի դեմ:

12:20, 13 մայ

Թուրքիայում ծնելիության ցուցանիշը նվազում է

Թուրքիայի վիճակագրական ծառայությունը (TÜİK) հրապարակել է 2024 թվականի ծնելիության տվյալները։

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։