Ճապոնական խոշոր գովազդային ընկերությունը մուտք է գործում Թուրքիա

Տարածաշրջան12:42, 18 Մայիս 2015

Ճապոնական խոշոր գովազդային ընկերությունը մուտք է գործում Թուրքիա

Ճապոնական խոշոր գովազդային գործակալություններից FreakOut-ը պատրաստվում է մասնաճյուղեր բացել հինգ նոր երկրում, այդ թվում՝ նաև Թուրքիայում: Թուրքական «webrazzi.com» լրատվակայքի հաղորդմամբ՝ ընկերությունը նախ ծրագրել է բնական գովազդային ցանց ստեղծել Թուրքիայում:

Միջանկյալ նշենք, որ բնական գովազդի դեպքում գովազդվող ապրանքի յուրահատուկ և արտասովոր առանձնահատկությունները թվարկելու փոխարեն այն պարզապես ներառվում է տեսահոլովակի, տեքստի կամ որևէ այլ նյութի բովանդակության մեջ այնպես, կարծես թե նրա բնական մասն է: Այդ կերպ գովազդվող ապրանքը ներդնելով սպառողին հետաքրքրող ամենատարբեր ժամանակակից ուսուցողական կամ ժամանցային նյութերի մեջ՝ գովազդատուն ապահովում է տվյալ ապրանքանիշի բնական և ինքնաբերական ծանուցումը: Նմանօրինակ գովազդներն արդյունավետ են հատկապես online (առցանց) տիրույթում:

2010-ին հիմնված և մինչ օրս հիմնականում ասիական շուկայի վրա կենտրոնացած FreakOut ընկերությունը մասնաճյուղեր կբացի նաև Սինգապուրում, Թայլանդում, Ինդոնեզիայում և Թայվանում:

Թվային գովազդների ոլորտում DSP (Demand-Side Platform) և RTB (Real Time Bidding) ծառայություններն ապահովող FreakOut-ի գլխավոր տնօրեն Յուզուրու Հոնդան միաժամանակ 2008թ. Yahoo-ի կողմից գնված գովազդների գնահատման Brainer ծրագրի հիմնադիրն է:

2012թ. GMO Venture Partners-ից 1.5 մլն դոլարի, իսկ 2013թ Yahoo-ի ճապոնական ներդրումային ֆոնդի կողմից 5.4 մլ դոլարի ներդրում ստացած FreakOut-ը 2014թ. աչքի ընկավ Տոկիոյի բորսայում կատարած 400 մլն դոլարի գործարքով:

Աղբյուր` Ermenihaber.am

Այս ենթաբաժնի վերջին նորությունները

15:18, 22 հուլ

Արարատ լեռան ձնածածկույթը տարեցտարի հալչում է. 37 տարում պակասել է 41-%-ով

Եթե գլոբալ տաքացումը շարունակվի ներկայիս տեմպերով, ապա Արարատի ձյան շերտի մեծ մասը կանհետանա առաջիկա 50 տարվա ընթացքում։

15:16, 21 հուլ

Հրդեհներ Թուրքիայի հյուսիս-արևելքում. տարհանվել է 2 թաղամաս

Թուրքիայի Սաքարյա նահանգի Գեյվե շրջանում երկու օր է, ինչ ուժգին անտառային հրդեհներ են:

14:36, 21 հուլ

Էրդողան. «Զանգեզուրի միջանցքը կդառնա համաձայնության խորհրդանիշ»

Թուրքիայի նախագահը նշել է, որ այդ միջանցքը օգուտ կբերի ոչ միայն Ադրբեջանին, Հայաստանին ու Թուրքիային, այլ նաև տարածաշրջանի մյուս երկրներին։

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Էրդողան. «Զանգեզուրի միջանցքը կդառնա համաձայնության խորհրդանիշ»

Իսրայելագետ. «Թե՛ Թուրքիան, թե՛ Իսրայելը խուսափում են բախվել Սիրիայի տարածքում»

Իսրայելում պաշտոնական մակարդակով հայտարարվել է, որ իրենց համար անվտանգության ոլորտում սպառանալիք է դառնում Թուրքիան, և Իսրայելը պետք է պատրաստվի զսպել Թուրքիային՝ մասնավորապես Սիրիայի ուղղությամբ։