Իրավական08:14, 16 Մայիս 2015
Պոլսո Հայոց պատրիարքարանն իր հիմնադրամը ստեղծելու իրավունք էր ստացել
Պոլսո Հայոց պատրիարքարանը թուրքական դատարանի 2015թ. մարտի 25-ի որոշմամբ սեփական հիմնադրամը ստեղծելու իրավունք էր ստացել: Այդ որոշմանը համաձայն ստեղծված «Հովակիմ 1461» հիմնադրամը պաշտոնապես իր գործունեությունը սկսել է մայիսի 15-ին, ինչի մասին պաշտոնաթերթում հրապարակում է եղել Թուրքիայի հիմնադրամների գլխավոր վարչության կողմից:
Թուրքական ընդդիմադիր «Taraf» պարբերականի տեղեկացմամբ` «Հովակիմ 1461» հիմնադրամի փաստաթղթերում նշված է, որ հիմնադրամի նպատակն է «Հոգալ Թուրքիայի հայ պատրիարքարանի բոլոր կարիքները. ընթացիկ ծախսեր, անձանկազմի ծախսեր, էլեկտրաէներգիայի, ջրի, հաղորդակցության, վառելանյութերի համար անհրաժեշտ ծախսեր և հյուրընկալության ծախսեր՝ ուղեվարձ, գիշերակաց, սնունդ: Անհրաժեշտության դեպքում ամեն տեսակ ֆինանսական և ոչ ֆինանսական օգնություն ցուցաբերել պատրիարքարանի անձնակազմի առողջական, հաշմանդամության, կենսաթոշակի և այլ հարցերում»:
Հիմնադրամի ստեղծողներն են պատրարքի փոխանորդ Արամ արքեպիսկոպոս Աթեշյանը, Շահին Մաշալըն, Թորոս Օհանօղուլլարը, Արեթ Անուշյանը, Թանյել Ուչքունը, Արթին Կիրկոր Բաբիկյանը և Կիրկոր Հարության Ուզունյանը: Փաստաթղթում որպես «Հովակիմ 1961» հիմնադրամի միակ սեփականություն է նշված Ստամբուլի Բեյքոզ շրջանում գտնվող մի առանձնատուն: Միաժամանակ նշված է, որ հիմնադրամի փակման դեպքում ունեցվածքը պետք է փոխանցվի Գումգափուի Մարիամ Աստվածածին հայկական եկեղեցու հիմնադրամին:
«Օսմանյան կայսրության առաջին հայ պատրիարք Հովակիմի անունը կրող հիմնադրամը հիմնվել է անմիջապես հայոց ջարդերի 100-րդ տարելիցից հետո: Ջարդեր, որոնց հետ առերեսվելուց Թուրքիան խուսափում է: Այն ժամանակ կայսրության մայրաքաղաք հանդիսացող Բուրսայի հայ եպիսկոպոս Հովակիմը Ստամբուլի նվաճումից հետո Ֆաթիհ Մեհմեթ սուլթանի համաձայնությամբ իր աթոռանիստը տեղափոխել էր Ստամբուլ: Նույն այդ թվականին` 1461-ին, ստեղծվել է Պոլսո հայոց պատրիարքարանը, իսկ Հովակիմը` նշանակվել հայոց պատրիարք: Նա պաշտոնավարել է մինչև 1478 թվականը»,- գրում է «Taraf»-ը:
Այս ենթաբաժնի վերջին նորությունները
Դիարբեքիրի փաստաբանական պալատի վարչության անդամը նշել է, որ Թուրքիայում երեխաների աշխատանքը հասարակության մեջ նորմալ է ընկալվում «վարպետ-աշակերտ հարաբերության» քողի ներքո։
Թուրքիայի ՆԳՆ-ի հայտարարության մեջ նշվել է նաև, որ այդ համայնքապետերի նկատմամբ հետաքննություն է իրականացվում «պարտադրանքով կաշառք ստանալու» մեղադրանքով։
Պատճառն այն է, որ Օզգյուր Օզելը «վիրավորական խոսքեր» է հնչեցրել Ստամբուլի գլխավոր դատախազ Աքըն Գյուրլեքի հասցեին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թերթի խմբագիր Տանձիկյանը ներկայացնում է, թե որը կարող է լինել այս «աշխատանքային այցի» օրակարգը, հատկապես, երբ տարածաշրջանը կրկին պատերազմի մեջ է Իրանի վրա Իսրայելի հարձակման պատճառով:
Նիկոլ Փաշինյանը հանդիպում կունենա տեղի հայ համայնքի ներկայացուցիչների հետ։
Աբբաս Արաղչին Ստամբուլում կմասնակցի «Իսլամական համագործակցություն» կազմակերպության անդամ երկրների արտգործնախարարների խորհդի նիստին:
Թուրքիայի պաշտպանության նախարար Յաշար Գյուլերը մասնակցել է Ադրբեջանի զինված ուժերի օրվա կապակցությամբ Անկարայում կազմակերպված ընդունելությանը։
Թուրքիայի նախագահ Ռեջեփ Թայիփ Էրդողանն և Ադրբեջանի նախագահ Իլհամ Ալիևը մասնակցել են Քահրամանմարաշում «Ադրբեջանական թաղամաս» համալիրի բացմանը Էրդողանը ելույթն ավարտել է քահարամանմարաշցի բան
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |