Տարածաշրջան09:36, 16 Մայիս 2015
«Կառավարությունը հարցը կլուծի». Թուրքիայում պատգամավորի հայ թեկնածուն` «Քամփ Արմենի» մասին
Թուրքիայում իշխող «Արդարություն և զարգացում» կուսակցությունից (ԱԶԿ-AKP) պատգամավորի թեկնածու առաջադրված հայազգի Մարգար Եսայանը հայտարարել է, որ սկսվել է «Քամփ Արմեն» անվամբ հայ որբերի ճամբարի սեփականության վկայականը հայ համայնքին վերադարձնելոի գործընթացը:
Եսայանը Թուրքիայում հրատարակվող «Ագօս» հայկական թերթին տված հարցազրույցում մասնավորապես ասել է. «Արդեն չի քանդվելու: Աշխատում ենք խնդիրը հիմնավորապես լուծելու ուղղությամբ: Այս հարցում քաղաքական կամք է հարկավոր, որը դատարանից ավելի բարձր կլինի: Այդ հարցն էլ կառավարությունը կլուծի: ԱԶԿ-ի տարածքային գրասենյակի ղեկավարի մասնակցությամբ տեղի ունենալիք ժողովի ժամանակ ճանապարհային քարտեզ կմշակվի»:
Հիշեցնենք, որ ս/թ մայիսի 6-ին շինարարական մեքենաները ,մտել էին Ստամբուլի Թուզլա շրջանում գտնվող հայ որբերի ճամբար սկսել հողին հավասարեցնել այն: Լուրը ստանալուց հետո հայ համայնքի մի շարք ներկայացուցիչներ մեկնել են ճամբար և կանգնեցրել ապամոնտաժումը:
Նախօրեին թուրքական մամուլում տարածված լուրերի համաձայն էլ Թուրքիայի վարչապետ Ահմեթ Դավութօղլուն հրահանգել է լուծումներ գտնել ճամբարի շուրջ ստեղծված իրավիճակի համար:
«Քամփ Արմեն» ճամբարը հայ համայնքին պատկանած և Թուրքիայի իշխանությունների կողմից բռնագրավված գույքերի շարքում ամենախորհրդանշականներից ու ամենակարևորներից է: Այստեղ 1915-ից հետո, երբ Անատոլիայում որևէ հայկական դպրոց չէր մնացել, 1500 ավելի հայ որբեր են ապրել ու հայերեն սովորել: Նրանց թվում են եղել Հրանտ Դինքը և նրա կին Ռաքել Դինքը:
Այս ենթաբաժնի վերջին նորությունները
Երկու նախագահների մասնակցությամբ Քահրամանմարաշում տեղի է ունենալու երկրաշարժից հետո կառուցված «Ադրբեջանի թաղամասի» բացումը։
Թուրքիան մշակել է համապարփակ ծրագրեր՝ մարդասիրական օգնության կարողությունները մեծացնելու և սահմանային անվտանգությունն ամրապնդելու:
«Լրագրողների և մամուլի ներկայացուցիչների վրա հարձակումը բարբարոսություն է ու նման հարձակումը որևէ լեգիտիմություն և արդարացում չունի»։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այցի ընթացքում անցկացվել են սահմանային անվտանգության հետ կապված ստուգումներ։
«Kharabakh Records» տելեգրամյան ալիքը գրել է. «Թուրքիայի մամուլից նման բան չէինք սպասում»։
Էյալ Բերկովիչ․ «Քառորդ եզրափակիչում «HAMAS»-ին հաղթեցինք 11 մետրանոցներով, կիսաեզրափակիչում հաղթեցինք Իրանին, իսկ ահա եզրափակիչը կանցկացնենք Թուրքիայի հետ»:
«Leonardo» ընկերությունը հայտնի է Իսրայելի համար զենք և ռազմական տեխնոլոգիաների մատակարարմամբ։
«Իսրայելի ղեկավարությունը տարածաշրջանային խաղաղության դեմ համընդհանուր հակամարտության ռազմավարություն է իրականացնում»։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |