Անկարայի դինոզավրի արձանը փոխարինվել է իր ավելի մեծ ցեղակցով

Հասարակական14:40, 15 Մայիս 2015

Անկարայի դինոզավրի արձանը փոխարինվել է իր ավելի մեծ ցեղակցով

Անկարայի Չիֆթլիք խաչմերուկում տեղադրվող և ժամանակ առ ժամանակ փոխարինվող արձանները չեն դադարում զարմացնել քաղաքի բնակչությանը ու դժգոհությունների պատճառ դառնալ: Անկարայի սկանդալային քաղաքապետ Մելիհ Գյոքչենի նախաձեռնությամբ տեղադրվող ամեն հաջորդ արձանը տարօրինակությամբ գերազանցում է նախորդին:

Խաչմերուկում օրեր առաջ տեղադրված դինոզավրի արձանը, որն ուներ 3 մ բարձրություն և 10 մ երկարություն, այսօր փոխարինվել է իր ավելի մեծ ցեղակցի արձանով:

Թուրքական «Radikal» թերթի կայքի հաղորդմամբ` այս անգամ տեղադրված ավելի մեծ չափերով բուսակեր դինոզավրի արձան ունի 15 մ բարձրություն և 12.5 մ երկարություն:

Ըստ կայքի` այդ խաչմերուկում տեղադրվող և ժամանակ առ ժամանակ փոխարինվող արձանները ունեն Անկարան ներկայացնելու նպատակ:

Նշենք, որ Թուրքիայի նախագահի նստավայրից ոչ հեռու գտնվող այս խաչմերուկում ավելի վաղ տեղադրված էր ռոբոտի հսկայական արձան, ինչը կրկին տարաբնույթ մեկնաբանությունների ու քննարկումների առիթ էր դարձել:

Աղբյուր` Ermenihaber.am