Թուրքիայում գումարվում է ՆԱՏՕ-ի անդամ և համագործակից երկրների արտգործնախարարների ժողով

Տարածաշրջան09:04, 12 Մայիս 2015

Թուրքիայում գումարվում է ՆԱՏՕ-ի անդամ և համագործակից երկրների արտգործնախարարների ժողով

Մայիսի 13-ին և 14-ին Թուրքիայի Անթալիա քաղաքում տեղի է ունենալու Հյուսիսատլանտյան ռազմական ալյանսի` ԱՏՕ-ի անդամ երկրների արտգործնախարարների ժողով:

Թուրքական «trthaber» լրատվամիջոցը, հղում անելով երկրի արտգործնախարարության հայտարարությունը, նշում է, որ Անթալիայում տեղի ունենալիք ժողովը սկսվելու է Աֆղանստանում տեղակայված ՆԱՏՕ-ի ուժերի ցամաքային աջակցությանը նվիրված նիստով:

Բացի ՆԱՏՕ-ի անդամ երկրների 28 արտգործնախարարներից նիստին մասնակցելու են նաև համագործակցող երկրների`Հայաստանի, Ավստրալիայի, Ադրբեջանի, Բոսնիա Հերցոգովինայի, Ֆինլանդիայի, Վրաստանի, Իռլանդիայի, Շվեյցարիայի. Չերնոգորիայի, Մակեդոնիայի, Մոնղոլիայի, Ուկրաինայի, Նոր Զելանդիայի, Հարավային Կորեայի, Ճապոնիայի, Հորդանանի արտգործնախարարները, կամ այդ երկրների այլ բարձրաստիճան ներկայացուցիչներ:

Նախատեսվում է, որ այնտեղ ներկա կլինեն Եվրախորհրդարանից (ԵԽ) ներկայացուցիչներ, ինչպես նաև Աֆղանստանում ՄԱԿ-ի գլխավոր քարտուղարի հատուկ ներկայացուցչի օգնականը: Ժողովի շրջանակներում տեղի է ունենալու ՆԱՏՕ-Ուկրաինա խորագրով նիստը, որի ընթացքում քննարկվելու է Ուկրաինայում ստեղծված իրավիճակը:

Նշենք, որ Թուրքիան ՆԱՏՕ-ին անդամակցում է 1952 թվականից: Իր մեծաթիվ բանակով ՆԱՏՕ-ում երկրորդ տեղն է զբաղեցնում` զիջելով ԱՄՆ-ին:

Աղբյուր` Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: