Մարզական14:05, 11 Մայիս 2015
Թղթե ինքնաթիռների համաշխարհային առաջնությունում հայերն առաջին տեղն են գրավել
Մայիսի 8-9-ին Ավստրիայում անցկացվել է թղթե ինքնաթիռների համաշխարհային մրցույթը: Արդեն չորս տարուց ի վեր անցկացվող Red Bull Paper Wings մրցույթին մասնակցելու համար չորս մայրցամաքներում 46 հազարից ավելի թեկնածուներ նախնական մրցակցություն են անցկացրել, որի արդյունքում 80 երկիր ներկայացնող 200 մասնակից անցել է եզրափակիչ:
Հայերի չեմպիոնությանն անդրադարձած թուրքական «gercek gundem» լրատվամիջոցը տեղեկացնում է, որ մասնակիցները մրցել են երեք կատեգորիաներում՝ ժամանակային ամենաերկար թռիչք, տարածքային ամենաերկար թռիչք և ակրոբատիկա:
Երկու օր տևած մրցումների արդյունքում, ըստ օդում երկար մնալու չափանիշի, հաղթող է դարձել Հայաստանի ներկայացուցիչ Կարեն Համբարձումյանը՝ 14:36 ցուցանիշով: Ամենաերկար թռիչք կատեգորիայում՝ 53,2 մետր ցուցանիշով հաղթող է դարձել Բուլղարիայի ներկայացուցիչ Վեսելին Իվանովը: Իսկ ակրոբատիկայի կատեգորիայում հաղթող է դարձել Լիբանանը ներկայացնող հայ մասնակից Ավետիս Չամիչյանը, որը մեծապես տպավորել է ժյուրիին՝ վաստակելով լիարժեք 50 միավոր:
Մրցույթի երեք թուրք մասնակիցներից միայն մեկը՝ Սելման Այդընն է քիչ թե շատ լավ արդյունք ցուցադրել՝ 46 մետր ցուցանիշով զբաղեցնելով 6-րդ տեղը տարածքային ամենաերկար թռիչքի մրցույթում: Նախկինում թղթե ինքնաթիռների մրցույթում սահմանված ամենաերկար 69 մետր և 29 վայրկյան ցուցանիշներով ռեկորդները նախորդ տարվա պես այս տարի էլ չի հաջողվել գերազանցել:
Այս ենթաբաժնի վերջին նորությունները
Իտալական «Ինտերի» գլխավոր մարզիչ Սիմոնե Ինձագին և նույն թիմի կիսապաշտպան Հաքան Չալհանօղլուն որակազրկվել են Իտալիայի ֆուտբոլի առաջնության մեկ խաղով:
Մասնավորապես շեշտվում է, որ Թուրքիան երկար տարիներ ներկայացուցիչ չունի UEFA-ի խորհրդում, իսկ Հայաստանը 4 տարի ժամկետով ունի։
Միջադեպից հետո Ժոզե Մոուրինյոն կարմիր քարտ է ստացել։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Հայտարարության մեջ հնչել է տարածաշրջանային պատերազմի վտանգի մասին զգուշացում։
Իսրայելի կողմից իրանական ռազմավարական օբյեկտների վրա իրականացված հարձակման հետևանքով նավթի միջազգային շուկաներում գները զգալիորեն բարձրացել են։
Ֆիդանն ու շեյխ Ալ Սանին զրույցի ընթացքում քննարկել են Գազայում հրադադարի ապահովմանն ուղղված ջանքերը:
Թուրքական աղբյուրների հաղորդմամբ՝ ինտերնետի արագությունը զգալիորեն նվազել է, իսկ հեռավար կապի որոշ ծառայություններում նկատվել են խափանումներ։
Քամու առաջին էլեկտրակայանը գործարկվել է 1998 թվականին՝ Իզմիրի Չեշմե շրջանում։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |