Հասարակական08:30, 11 Մայիս 2015
Ցեղասպանությունը վերապրած որդեկորույս մայրերի հայերեն և թուրքերեն երգերը
Մայիսի երկրորդ կիրակի օրը Թուրքիայում նշվում է մայրերի տոնը: Այս ավանդույթը սկզբնավորվել է ԱՄՆ-ում՝ 1914թ., այնուհետև տարածվել ողջ աշխարհում: Թուրքիայում լույս տեսնող հայկական «Ակոս» թերթն այս առնչությամբ իր հարգանքի տուրքն է մատուցում հատկապես մեկ դար առաջ Հայոց ցեղասպանությունը վերապրած հայ մայրերին, որոնց բաժին է ընկել այդ արհավիրքի ամենամեծ բեռն ու ամենածանր վիշտը: Այդ վիշտն իր արտացոլումն է գտել նաև երգերում: «Վերժինե Սվազլյան հիմնադրամի» կողմից գրանցված երգերի ու ողբերի մեջ կան և հայերեն, և թուրքերեն ստեղծագործություններ:
«Ակոսը» ներկայացնում է մասնավորապես որդեկորույս մայրերի ցավն արտահայտող երգերը, որոնցից են «Urfa’nın Etrafı Dumanlı Dağlar» («Ուրֆայի շուրջը մշուշոտ լեռներ»), «Ben Yavrumu Özlerim» («Կարոտում եմ բալիկիս»), «Ah keşke doğmayaydım, yavrumun anası olmayaydım» («Ախ երանի չծնվեի, ձագիս մայրը չդառնայի»):
«Ուրֆայի շուրջը մշուշոտ լեռներ»
(1985թ գրանցվել է Հակոբ Գյուրջյանի կողմից)
Ուրֆայի շուրջ մի եղնիկ է շրջում,
Իր ձագին կորցրած, փնտրում է նրան,
Եղնիկ, իմ սիրտն էլ քոնի պես խոցված է,
Փնտրեցի, սակայն վերքիս դարման չգտա:
Ուրֆայի շուրջը մշուշոտ լեռներ,
Թույլ տվեք անցնեմ, մշուշոտ լեռներ,
Որդիս հեռվում է,
Լալիս, ճչում է:
«Կարոտում եմ բալիկիսս»
(Անիցա Թոքաթլյան, 1988թ)
Ոտքի կանգնեմ, մեջքիս գոտին չարձակեմ,
Զավակիս խոսքերը կրծքիցս թող չթափվեն:
Զավակիս խոսքերը՝ թույնից էլ դառը:
- Մի լար, մայրիկ, ես էլի կգամ,
Տասնհինգ օրվա մեջ երազիդ կգամ:
«Ախ երանի չծնվեի, ձագիս մայրը չդառնայի»
(Ազգանուշ Աբիկյան, 1986թ)
Երանի քար լինեի, սանդուղքի տակ լինեի,
Երբ որդիս ելներ-իջներ, նրա ոտքը համբուրեի:
Ախ երանի չծնվեի, ձագիս մայրը չդառնայի:
Այս ենթաբաժնի վերջին նորությունները
Մի քանի րոպե անց մայրը նկատել է կատարվածը և դուրս է բերել նրան աղբարկղից:
Թուրքիայի համար «Ակտիվ ծերացման ինդեքսը» 2024-ին հասել է շուրջ 30-ի:
Տարեսկզբից մինչև փետրվարի վերջ Թուրքիա է մեկնել 463․865 իրանցի՝ դառնալով օտարազգի տուրիստների ամենամեծ խումբը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այս ցուցանիշով Թուրքիան աշխարհի երկրների ցանկում զբաղեցրել է 17-րդ հորիզոնականը։
Հրապարակվել է հոդված Հայաստանի տեխնոլոգիական ոլորտի զարգացման մասին։
«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։
Ամերիկյան «New York Times» օրաթերթն ուշադրություն է հրավիրել Թուրքիայում աճող ավտորիտարիզմի վրա։
Մի քանի րոպե անց մայրը նկատել է կատարվածը և դուրս է բերել նրան աղբարկղից:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |