Իրավական09:40, 07 Մայիս 2015
Թաներ Աքչամը մեկնաբանել է հայ որբերի ճամբարի ապամոնտաժումը
Երեկ Ստամբուլի Թուզլա շրջանում գտնվող հայ որբերի ճամբարի շենքի սկսված, բայց չավարտված ապամոնտաժմանն անդրադարձել է վտարանդի թուրք հայտնի պատմաբան Թաներ Աքչամը: Պրոֆեսորն իր ֆեյսբուքյան էջում արած մեկնաբանության մեջ մասնավորապես ասել է.
«Իրականում չպետք է այս մեկնաբանությունն անեի, սակայն չանել էլ չեմ կարող: Մարդկանց մի մեծ խումբ կա, որ քննարկում է` արդյոք 1915-ին կատարվածը ցեղասպանություն էր, թե ոչ: Դուք ապրում եք այնպիսի մի երկրում, որտեղ նույնիսկ նորմալ պայմաններում հայի` սեփականության վկայականով գույքը յուրացվում ու դրա տեղում շքեղ ամառանոցներ են կառուցվում, մի երկում, որն ասում է, թե այն, ինչն ինքն է արել հայերին, ոչ ոք չի արել:
Հրանտը, լսելով իր ձեռքերով կառուցած շենքի բռնագրավումը, կասեր «կեցցեք դուք»: Կասե՞ք, թե ինչեր են արել 1915-ին այս երկրում, որտեղ անամոթությունն այսպիսի մասշտաբներ ունի»:
Հիշեցնենք, որ երեկ Թուրքիայում հրատարակվող «Ակօս» թերթի տեղեկացրել էր, որ ստացված լուրերի համաձայն ճամբարի տարածք էին մտել շինարարական մեքենաներ և սկսել հողին հավասարեցնել այն:
Լուրը ստանալուց հետո հայ համայնքի մի շարք ներկայացուցիչներ մեկնել են շինհրապարակ և դադարեցրել ճամբարի ապամոնտաժումը: Թուզլայի հայկական նախկին ճամբարի տարածքում են մեկնել քրդամետ «Ժողովուրդների դեմոկրատական» (ԺԴԿ-HDP) կուսակցության ներկայացուցիչ, պատգամավորի թեկնածուներ Գարո Փայլանը, Սեզին Ուչարը, Ստամբուլում գործող հայկական «Նոր Զարթոնքի» նախաձեռնության ակտիվիստներ և Ճամբարի նախկին սաներից Կարապետ Օնուրօզը:
Նշենք, որ հայկական որբանոցի այդ ամառային ճամբարում են ժամանակին ապրել Հրանտ Դինքը և նրա այրին` Ռաքել Դինքը:
Այս ենթաբաժնի վերջին նորությունները
Դիարբեքիրի փաստաբանական պալատի վարչության անդամը նշել է, որ Թուրքիայում երեխաների աշխատանքը հասարակության մեջ նորմալ է ընկալվում «վարպետ-աշակերտ հարաբերության» քողի ներքո։
Թուրքիայի ՆԳՆ-ի հայտարարության մեջ նշվել է նաև, որ այդ համայնքապետերի նկատմամբ հետաքննություն է իրականացվում «պարտադրանքով կաշառք ստանալու» մեղադրանքով։
Պատճառն այն է, որ Օզգյուր Օզելը «վիրավորական խոսքեր» է հնչեցրել Ստամբուլի գլխավոր դատախազ Աքըն Գյուրլեքի հասցեին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այցի ընթացքում անցկացվել են սահմանային անվտանգության հետ կապված ստուգումներ։
«Kharabakh Records» տելեգրամյան ալիքը գրել է. «Թուրքիայի մամուլից նման բան չէինք սպասում»։
Էյալ Բերկովիչ․ «Քառորդ եզրափակիչում «HAMAS»-ին հաղթեցինք 11 մետրանոցներով, կիսաեզրափակիչում հաղթեցինք Իրանին, իսկ ահա եզրափակիչը կանցկացնենք Թուրքիայի հետ»:
«Leonardo» ընկերությունը հայտնի է Իսրայելի համար զենք և ռազմական տեխնոլոգիաների մատակարարմամբ։
«Իսրայելի ղեկավարությունը տարածաշրջանային խաղաղության դեմ համընդհանուր հակամարտության ռազմավարություն է իրականացնում»։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |