Իրավական10:04, 06 Մայիս 2015
Թուրքիայում քանդեցին հայկական մանկատունը, որտեղ մեծացել էր Հրանտ Դինքը
Այսօր` մայիսի 6-ի առավոտյան, քանդել են Ստամբուլի Թուզլա շրջանում գտնվող ամառային ճամբար-մանկատունը, որտեղ բազմաթիվ հայ որբերի թվում ապրել են Հրանտ Դինքը և նրա կին Ռաքել Դինքը:
Թուրքիայում հրատարակվող հայկական «Ագօս»-ի հաղորդմամբ` առավոտյան «Kamp Armen» (Արմեն ճամբար) անունով հայտնի մանկատան տարածք մտած շինարարական մեքենաները հողին են հավասարեցրել այն` չնայած վերջին օրերին ճամբարի քանդման դեմ համացանցում սկսված ստորագրահավաքին:
Ճամբարը հայ համայնքին պատկանած և Թուրքիայի իշխանությունների կողմից բռնագրավված գույքերի շարքում ամենախորհրդանշականներից ու ամենակարևորներից էր: Այստեղ 1915-ից հետո, երբ Անատոլիայում որևէ հայկական դպրոց չէր մնացել, 1500 ավելի հայ որբեր են ապրել ու հայերեն սովորել:
Ինչպես ավելի վաղ տեղեկացրել էր Ermenihaber.am-ը, թուրքական իշխանությունները ճամբար-մանկատունը քանդելու և դրա տեղում շքեղ ամառանոցներ կառուցելու թույլտվություն էր տվել: Այդ մասին հայտնել էր Կարապետ Օնուրօզը, ով Հրանտ Դինքի հետ միասին ժամանակին ապրել էր «Kamp Armen»-ում:
Թուրքիայում 4 տարի առաջ օրենք էր ընդունվել փոքրամասնություններին պատկանող հիմնադրամների` արդեն 79 տարի բռնագրավված անշարժ գույքերի վերադարձման մասին: Սակայն Թուզլայում գտնվող ամառային ճամբարը, որը կցված էր Ստամբուլի Գեդիքփաշա թաղամասում գտնվող մանկատանը, չի ընդգրկվել օրենքով վերադարձման ենթակա գույքերի ցուցակում: Թուզլայում գտնվող որբանոցը, որը հիմնականում, որպես ամառային ճամբար է օգտագործվել և ուներ 5.552 քմ տարածք, 1961 թվականին գնվել էր Հայ բողոքական եկեղեցու հիմնադրամի կողմից:
Այս ենթաբաժնի վերջին նորությունները
Դիարբեքիրի փաստաբանական պալատի վարչության անդամը նշել է, որ Թուրքիայում երեխաների աշխատանքը հասարակության մեջ նորմալ է ընկալվում «վարպետ-աշակերտ հարաբերության» քողի ներքո։
Թուրքիայի ՆԳՆ-ի հայտարարության մեջ նշվել է նաև, որ այդ համայնքապետերի նկատմամբ հետաքննություն է իրականացվում «պարտադրանքով կաշառք ստանալու» մեղադրանքով։
Պատճառն այն է, որ Օզգյուր Օզելը «վիրավորական խոսքեր» է հնչեցրել Ստամբուլի գլխավոր դատախազ Աքըն Գյուրլեքի հասցեին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թերթի խմբագիր Տանձիկյանը ներկայացնում է, թե որը կարող է լինել այս «աշխատանքային այցի» օրակարգը, հատկապես, երբ տարածաշրջանը կրկին պատերազմի մեջ է Իրանի վրա Իսրայելի հարձակման պատճառով:
Նիկոլ Փաշինյանը հանդիպում կունենա տեղի հայ համայնքի ներկայացուցիչների հետ։
Աբբաս Արաղչին Ստամբուլում կմասնակցի «Իսլամական համագործակցություն» կազմակերպության անդամ երկրների արտգործնախարարների խորհդի նիստին:
Թուրքիայի պաշտպանության նախարար Յաշար Գյուլերը մասնակցել է Ադրբեջանի զինված ուժերի օրվա կապակցությամբ Անկարայում կազմակերպված ընդունելությանը։
Թուրքիայի նախագահ Ռեջեփ Թայիփ Էրդողանն և Ադրբեջանի նախագահ Իլհամ Ալիևը մասնակցել են Քահրամանմարաշում «Ադրբեջանական թաղամաս» համալիրի բացմանը Էրդողանը ելույթն ավարտել է քահարամանմարաշցի բան
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |