«Բեշիքթաշ»-ի դարպասապահը հայհոյել է Ցեղասպանության մասին գրառում կատարած Դեն Բիլզերյանին

Հասարակական12:02, 06 Մայիս 2015

«Բեշիքթաշ»-ի դարպասապահը հայհոյել է Ցեղասպանության մասին գրառում կատարած Դեն Բիլզերյանին

Թուրքիայի «Բեշիքթաշ» ֆուտբոլային թիմի դարպասապահ Թոլգա Զենգինը հայհոյել է պոկերի ամերիկահայ հայտնի վարպետ Դեն Բիլզերյանին İnstagram-ում Հայոց ցեղասպանության վերաբերյալ գրառում կատարելու համար:

Թուրքական «Radikal» պարբերականի վկայությամբ՝ Հայոց ցեղասպանության հիշատակման օրը` ապրիլի 24-ին, Բիլզերյանը կատարել էր հետևյալ գրառումը. «Հայոց ցեղասպանության 100-րդ տարելիցն է: Թուրքական պետությունը սպանել է 1.5 մլն հայի, այդ թվում ՝ նաև Բիլզերյան ընտանիքի մի մասին: Այսօր այդ ցեղասպանությունը դեռ չեն ճանչում: Դա կարող էր բարձարցնել իրազեկվածությունը և հնարավորություն ստեղծել կանխելու հրեաների Հոլոքոստը: Ես դրա համար թուրքերին չեմ ատում, որովհետև պատասխանատուներից ոչ մեկը ողջ չէ: Սակայն պատմությունը կարող է կրկնվել: Այդ պատճառով Թուրքիայի կառավարությունը պետք է ընդունի, որ դա տեղի է ունեցել»:

Այս գրառումն արժանացել է Բիլզերյանի թուրք հետևորդների խիստ արձագանքին, իսկ բեշիքթաշցի հայտնի թուրք դարպասապահը ուղղակի İnstagram –ում հայհոյանք է գրել պոկերի հայ վարպետի հասցեին: