Արաբ աստվածաբան. «Աթաթուրքը իշխանության է եկել Հայոց ցեղասպանության արդյունքում»

Տարածաշրջան07:41, 28 Ապրիլ 2015

Արաբ աստվածաբան. «Աթաթուրքը իշխանության է եկել Հայոց ցեղասպանության արդյունքում»

Լիբանանցի սուննի աստվածաբան Շեյխ Մահիր Համմուդն ուրբաթօրյա աղոթքի ժամանակ անդրադարձել է Հայոց ցեղասպանության հարցին: Ըստ թուրքական «islamianaliz.com» լրատվամիջոցի` Համմուդը նշել է, որ Օսմանյան կայսրությունում իրականացված Հայոց ցեղասպանությունը չպետք է կապել իսլամի հետ, քանի որ այդ տարիներին անկման մեջ գտնվող Օսմանյան կայսրությունում ազդեցիկ էին զանազան արտաքին ուժերը:

«Հայոց ցեղասպանության մասին խոսելիս նախ և առաջ պետք է ընդգծել, որ դրա պատասխանատուն իսլամը չէ»:

Անդրադառնալով Թուրքիայի Հանրապետության հիմնադիր և առաջին նախագահ Մուստաֆա Քեմալ Աթաթուրքին` սուննի աստվածաբանը նշում է, որ Քեմալը իշխանության եկավ հենց Հայոց ցեղասպանության արդյունքում: Համմուիդն Աթաթուրքին մեղադրում է իշխանության գալուց հետո Թուրքիայում գոյություն ունեցող իսլամական արժեքները ոչնչացնելու մեջ:

«Իշխանության գալուց 10 տարի անց Քեմալը ձեռնամուխ եղավ արաբատառ օմաներեն գրերը շրջանառաությունից հանելուն, փոխարենը ներմուծեց լատինատառ այբուբենը: Այնուհետև ձեռնամուխ եղավ իսլամին առնչվող բազմաթիվ վարքանորմերի վերցմանը»:

Արաբ աստվածաբանը, նշելով, որ պատերազմական գործողությունների ընթացքում թեև հայերը անցել էին Ռուսաստանի կողմը, բայց շեշտել է, որ որևէ կերպ չի արդարացնում երիտթուրք պարագլուխների իրականացրած ոճրագործությունը:

Աղբյուր` Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: