Տարածաշրջան09:53, 27 Ապրիլ 2015
Աղթամարի եկեղեցին ընդգրկվել է UNESCO համաշխարհային ժառանգության նախնական ցուցակում
Վանա լճի Աղթամար կղզու Սուրբ Խաչ հայկական եկեղեցին ներկայիս Թուրքիայի տարածքում գտնվող ևս 9 պատմամշակութային կոթողների հետ ընդգրկվել է UNESCO-ի համաշխարհային ժառանգության նախնական ցուցակում:
Թուրքական «Taraftar» լրատվական կայքը հայտնում է, որ նշյալ եկեղեցին ճարտարապետական առումով միջնադարի հայկական արվեստի ամենավառ հուշարձաններից մեկն է:
Ներկայացնելով եկեղեցու պատմությունը՝ կայքը գրում է, որ այն կառուցվել է 915-921թթ. Գագիկ Առաջին թագավորի հրամանով, իսկ ճարտարապետը եղել է Մանվելը: Եկեղեցու պատերը զարդարված է հարթաքանդակներով, որտեղ պատկերված են բույսեր, կենդանիներ և սուրբգրային դրվագներ:
Թուրքական լրատվամիջոցի համոզմամբ` Սուրբ Խաչ եկեղեցու ընդգրկումը UNESCO-ի համաշխարհային ժառանգության նախնական ցուցակում կնպաստի քաղաքում զբոսաշրջության զարգացմանը:
Թուրքիայի մշակույթի նախարար Օմեր Չելիքն ասել է, որ իրեն շատ է ուրախացրել այդ փաստը: Նա միաժամանակ հիշեցրել է, որ Թուրքիայի իշխանությունները թույլ են տվել հայերին Աղթամարում տարին մեկ անգամ պատարագ մատուցել:
Չելիքը նաև նշել է, որ եկեղեցու ընդգրկումն այդ նախնական ցուցակում հատկապես այս շրջանում օրինակ և «ուղերձ պիտի լինի օտարերկրկյա խորհրդարանների համար, որոնք Հայկական սփյուռքի քարոզչության ազդեցության տակ են մնացել»: Ըստ Չելիքի՝ օտարերկրյա խորհրդարանները քաղաքականացնում են այն ցավալի դեպքերը, որոնք տեղի են ունեցել թուրքերի և հայերի մեջ ու ցավ պատճառել երկու կողմերին էլ:
Այս ենթաբաժնի վերջին նորությունները
Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը:
Թուրքիայի արտգործնախարարի կարծիքով, միջազգային համակարգը չի կարողանում լուծել ո՛չ գլոբալ խնդիրները, ո՛չ էլ տարածաշրջանային հակամարտությունները։
Երկրաշարժը տեղի է ունեցել առավոտյան ժամը 8։24-ի սահմաններում:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Երևանում կայացել է Հայաստանի և Թուրքիայի միջև կարգավորման գործընթացի հատուկ ներկայացուցիչների 6-րդ հանդիպումը։
Թուրքիայի Դողուբեյազըթ քաղաք ժամանած լեռնագնացները տեղացի ուղեկցող Ջումա Սալթիքի առաջնորդությամբ փորձել են նվաճել լեռան գագաթը։
Մոշե Էլադը նշել է, որ հնարավոր հարձակման դեպքում չկա որևէ երաշխիք, որ ՆԱՏՕ-ն անվերապահորեն կաջակցի Թուրքիային։
Թուրքիա-Հայաստան հարաբերությունների կարգավորման հարցով հատուկ ներկայացուցիչը ժամանել է Հայաստան։
Այդ մասին հայտնել է ՀՀ ԱԳՆ մամուլի խոսնակ Անի Բադալյանը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |