Թուրքական ԶԼՄ-ներ. Անկարայում «ցեղասպանության» երկրաշարժ է

Տարածաշրջան07:53, 13 Ապրիլ 2015

Թուրքական ԶԼՄ-ներ. Անկարայում «ցեղասպանության» երկրաշարժ է

Նախօրեին Վատիկանի Սբ Պետրոսի տաճարում Նորին Սրբություն Հռոմի Պապ Ֆրանցիսկոսի կողմից մատուցված Հայոց ցեղասպանության 100-րդ տարելիցին նվիրված պատարագը և Պապի հնչեցրած «ցեղասպանություն» եզրույթի կիրառումն արժանացել են թուրքական լրատվամիջոցների լայն լուսաբանմանը:

Թուրքական բոլոր լրատվամիջոցներն անդրադարձել են Հռոմի Պապի մատուցած պատարագին և նրա կողմից «ցեղասպանություն» եզրույթի կիրառմանը: Թուրքական հրապարակումներում առաջին պլան է բերված Հռոմի Պապի կողմից «ցեղասպանություն» եզրաբառի կիրառման փաստը և հիշեցումը, որ Պապը նախկինում ևս հնչեցրել էր 1915-ի վերաբերյալ նման տեսակետ: Պատարագի մասնակիցների և ընդհանուր մասնրամասների մասին հիշատակումով թուրքական ԶԼՄ-ները ուղիղ մեջբերել են Պապ Ֆրանցիսկոսի հետևյալ ձևակերպումը:

«20-րդ դարասկզբի առաջին ցեղասպանությունն իրականացվել է հայերի նկատմամբ»:

Մասնավորապես ընդդիմադիր «Dogan Haber» լրատվական գործակալությունը նշում է. «Չնայած Թուրքիայի բոլոր դիվանագիտական նախաձեռնություններին, Պապն ասաց, որ 20-րդ դարի առաջին ցեղասպանությունը հայերի դեմ է իրականացվաած եղել»:

Չափավոր իշխանամետ «Posta» պարբերականի կայքն ուշադրություն է հրավիրում այն փաստի վրա, որ Հռոմի ներկայիս պապը առաջինը և միակը չէ կաթոլիկ աշխարհի հոգևոր առաջնորդներից, որ 1915-ին կատարվածն անվանել է ցեղասպանություն:

«Ավելի վաղ, Պապ Ֆրանցիսկոյից առաջ էլ Վատիկանը կրկին օգտագործել էր «ցեղասպանություն» եզրաբառը»:

Ընդդիմադիր լրատվամիջոցներից «Cumhuriyet»-ը նշում է, որ Հայոց ցեղասպանություն ասաց այն Պապը, որը եղել է Էրդողանի նախագահական պալատի առաջին պաշտոնական հյուրը:

«Ասաց՝ ցեղասպանություն ու Անկարային տակնուվրա արեց»:

Ձախակողմյան «Birgun» պարբերականը հիշեցնում է, որ դեռևս մարտի վերջերին Վատիկանում Թուրքիայի դեսպանն ասում էր, թե սպասելիք ունեն, որ պապը չի օգտագործի «ցեղասպանություն» եզրաբառը:

«Անկարայում «ցեղասպանության» երկրաշարժ է»,- գրում է աղբյուրը:

Աղբյուր` Ermenihaber.am

Այս ենթաբաժնի վերջին նորությունները

15:24, 04 հուլ

Էրդողան. «Կովկասը դառնալու է խաղաղության կենտրոն»

Այդ մասին հայտարարել է Թուրքիայի նախագահը Ադրբեջանի կողմից օկուպացված Ստեփանակերտում «Տնտեսական համագործակցության կազմակերպության» 17-րդ գագաթնաժողովի շրջանակներում։