Թուրքիայի գլխավոր ընդդիմադիրն Էրդողանին վիրավորելու համար տուգանվել է մոտ 4.000 դոլարով

Իրավական08:47, 10 Ապրիլ 2015

Թուրքիայի գլխավոր ընդդիմադիրն Էրդողանին վիրավորելու համար տուգանվել է մոտ 4.000 դոլարով

Անկարայի առաջին ատյան դատարանի որոշմամբ` Թուրքիայի գլխավոր ընդդիմադիր ուժ հանդիսացող Ժողովրդահանրապետական կուսակցության (ԺՀԿ-CHP) նախագահ Քեմալ Քըլըջդարօղլուն 10.000 թուրքական լիրա (մոտ 4.000 դոլար) տուգանք է պարտավոր վճարել Թուրքիայի նախագահ Ռեջեփ Թայիփ Էրդողանին` նրան անձնական վիրավորանք հասցնելու համար:

Ըստ թուրքական «medya365» լրատվամիջոցի` Թուրքիայի նախագահի փաստաբան Մուամեր Ջեմալօղլուն, նշելով, որ Քըլըչդարօղլուն վիրավորանք է հասցրել Էրդողանին, պահանջել է, որպեսզի դատարանը ԺՀԿ-ի նախագահին պարտավորեցնի կատարել բարոյական վնասի փոխհատուցում:

Իսկ Քլըջդարօղլուի փաստաբան Ջեմալ Չիչեքը նշել է, որ իր պաշտպանյալը ոչ մեկին չի վիրավորել, այլ հասարակությանը ներկայացրել է ճշմարտությունը:

Չնայած մեղադրող կողմն առաջարկել էր Քըլըջդարողլուին տուգանել 100.000 թուրքական լիրայի չափով, բայց վճիռը կայացրած դատավոր Մուստաֆա Սաթըշը որոշել է Քըլըջդարողլուին տուգանել 10 հազար լիրայով:

Աղբյուրը հայտնում է, որ ԺՀԿ-ի առաջնորդն իր հրապարակային ելույթում վիրավորական արտահայտություններ է հասցեագրել Էրդողանին` առանց մանրամասնելու, թե կոնկրետ, որ ձևակերպումների համար է դատարանի առաջ կանգնեցվել Քըլըչդարօղլուն:

Աղբյուր` Ermenihaber.am

Այս ենթաբաժնի վերջին նորությունները

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։