Տարածաշրջան07:59, 07 Ապրիլ 2015
Թուրքիայի նախագահը մեկնել է Իրան, իրանցի պատգամավորները դժգոհ են Էրդողանի պահվածքից
Իրանի Իսլամական Հանրապետության (ԻԻՀ) պատգամավորների վրդովմունքն են առաջացրել Թուրքիայի նախագահ Ռեջեփ Թաիփ Էրդողանի` Իրանի հասցեին հնչեցրած մեղադրանքները, համաձայն որոնց, Իրանն աջակցում է Յեմենում իշխանությունը զավթած շիա հուսիդներին և ձգտում է դառնալ տարածաշրջանային գերտերություն: Իրանի խորհրդարանի 65 պատգամավոր նախագահ Հասան Ռուհանիին կոչ են արել կարգի հրավիրել Էրդողանինև զգուշացնել, որ նման արտահայտություններ իրեն թույլ չտա անել:
Թուրքական «Հաբերլեր» լրատվամիջոցը, հղում անելով իրանական «Ֆարս հաբեր» լրատվական գործակալությանը, տեղեկացնում է, որ մասնավորապես իրանցի պատգամավոր Ժաբար Քոջաքինեժադը, խոսելով Էրդողանի` Իրան կատարելիք այցի մասին, ասել էր. «Էրդողանը իշխանություններից և Իրանի ժողովուրդից պետք է պաշտոնապես ներողություն խնդրի»:
Իրանի նախագահի պաշտոնական հրավերով այսօր տեղի է ունցել Էրդողանը այցը Թեհրան: Վերջինիս հետ Իրան են մեկնել Թուրքիայի արգործնախարար Մևլութ Չավուշօղլուն, Էկոնոմիկայի նախարար Նիհաթ Զեյբեքչին, Էներգետիկայի և բնական պաշարների նախարար Թաներ Յըլդըզը, մաքսային և առևտրի նախարար Նուրեթթին Ջանիքլին, մշակույթի և զբոսաշրջության նախարար Օմեր Չելիքը:
Նախատեսվում է, որ Էրդողանի գլխավորությամբ թուրքական պատվիրակությունը բացի նախագահ Ռուհանիից հանդիպելու է նաև Իրանի հոգևոր առաջանորդ այաթոլլա Սեյիդ Ալի Համենեի հետ:
Այցի շրջանակներում քննարկվելու են այնպիսի տարածաշրջանային անվտանգության խնդիրներ, ինչպիսիք են` «Իսլամական պետություն» (ԻՊ) ահաբեկչական կազմակերպության հարցը, Յեմենում, Սիրիայում, Իրաքում ստեղծված իրավիճակը և մի շարք այլ խնդիրներ:
Օրակարգի թեմաներից է լինելու վերջերս Իրանի միջուկային հարցի շուրջ ձեռք բերված համաձայնությունը «Միջուկային հնգյակ» (ԱՄՆ, Ռուսաստան, Մեծ Բրիտանիա, Չինաստան, Ֆրանսիա)-ի հետ: Այցի ընթացքում տեղի է ունենալու նաև Իրան-Թուրքիա Բարձրագույն մակարդակի ռազմավարական համագործակցության երկրորդ խորհրդը:
Նշենք, որ Էրդողանի` Իրան կատարած այցի դեմ հանդես էր եկել Իրանի մեջլիսի ազգային անվտանգության և արտաքին քաղաքականության հանձնաժողովի խոսնակ Հուսեյնի Նաքավի Հուսեյնը` նշելով, որ Իրանի կառավարությունը չպետք է թույլ տար, որ Էրդողանի մուտք գործեր Իրան:
Այս ենթաբաժնի վերջին նորությունները
Անթալիայի օդանավակայանը կարող է տարեկան սպասարկել շուրջ 82 մլն ուղևորի։
Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։
«AFAD»-ի հայտարարության համաձայն՝ հետցնցումները կանխատեսվել է, որ կմեղմանան և կավարտվեն առաջիկա մի քանի շաբաթների ընթացքում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ermenihaber.am-ը զրուցել է Արցախի անկման մասին պատմող «Վիրավոր արծիվը» վավերագրության հեղինակ Դեմիր Սյոնմեզի հետ։
Երկրում գործազրկության թվերը վերադարձել են COVID-19-ի ճգնաժամի ժամանակաշրջանի մակարդակին։
Էրդողանի և Իտալիայի վարչապետի նախագահությամբ գումարված գագաթնաժողովից հետո ստորագրվել է 11 պայմանագիր:
Մասնագետների կարծիքով, ընթացիկ միտումների պահպանման դեպքում Թուրքիան 2025 թվականին կարող է դառնալ աշխարհի առաջատար զբոսաշրջային ուղղություններից մեկը:
Էրդողան-Միցոտակիս հանդիպումից առաջ նախատեսված է նաև Հունաստանի արտաքին գործերի նախարար Յորգոս Գերապետրիտիսի այցը Թուրքիա։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |