Սպանության սպառնալիքով թուրք դատավորին պատանդ վերցրած անձանց 5 պահանջը

Իրավական13:02, 31 Մարտ 2015

Սպանության սպառնալիքով թուրք դատավորին պատանդ վերցրած անձանց 5 պահանջը

Թուրքիայում ձախակողմյան «Հեղափոխական ժողովրդական ազատագրական կուսակցություն-ճակատը» պատանդ է վերցրել Էլվանի սպանության գործը վարող դատախազին հենց դատարանի շենքում: Դատախազին պատանդ վերցրած անձնիք հետևյալ պահանջներն են ներկայացրել`

1. Բերքին Էլվանին սպանած ոստիկաններին տրամադրել ուղիղ եթեր, որի ժամանակ պետք է հանդես գան խոստովանությամբ:

2. Այդ ոստիկաններին դատել ժողովրդական դատարաններում:

3. Այսօրվա ընթացքում հանել մեղադրանքները բոլոր այն մարդկանց վրայից, ովքեր Բերքին Էլվանի համար բողոքի ակցիաների մասնակցելու մեղադրանքով հարցաքննության են ենթարկվել, կորցրել են իրենց աշխատանքը ու ձերբակալվել:

4. Երեք ժամ հետո ապահովել իրենց անվտանգ հեռացումը:

5. Կապ հաստատել պատվիրակության հետ, որը պետք է ձևավորվի այս գործով:

Բերքին Էլվանը Թուրքիայի ալևի կրոնական համայնքի ներկայացուցիչներից է: Նա 2013թ. Գեզիի հակակառավարական ցույցերի ժամանակ ոստիկանների կողմից գլխի շրջանում ծանր վիրավորում էր ստացել և ամիսներ շարունակ գտնվելով կոմայի մեջ մահացել 2014-ին: Պատանու մահը հանրային դժգոհության մեծ ալիք էր բարձրացրել Ստամբուլում և Թուրքիայի այլ քաղաքներում:

Աղբյուր` Ermenihaber.am

Այս ենթաբաժնի վերջին նորությունները

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։