Տարածաշրջան13:35, 31 Մարտ 2015
Դավութօղլուն շտապ ժողով է գումարել պատանդառված դատախազի հարցով
Գեզիի հակակառավարական ցույցերի ժամանակ ոստիկանների գործողությունների հետևանքով մահացած Բերքին Էլվանի գործը վարող Թուրքիայի հանրապետական դատախազության ծառայողական հանցագործությունների վարչության դատախազ Մեհմեթ Քիրազի պատանդառության կապակցությամբ վարչապետ Ահմեթ Դավութօղլուն շտապ խորհրդակցություն է հրավիրել:
Ըստ թուրքական «Ռադիկալ» պարբերականի կայքի` Դավութօղլուին դեպքի մասին մանրամասներ են հաղորդել ներքին գործերի նախարար Սեբահեթթին Օզթուրքը և արդարադատության նախարար Քենան Իփեքը:
Հաղորդվում է, որ Դավութօղլուի հրավիրած շտապ խորհրդակցությանը մասնակցում են նաև երկրի ներքին գործերի և արդարադատության նախկին նախարարներ Էֆքան Ալան և Բեքիր Բոզդաղը:
Նշենք, որ դատարանի շենքում դատախազին պատանդ վերցրեած «Հեղափոխական ժողովրդական ազատագրական կուսակցություն-ճակատը» ձախակողմյան կազմակերպության անդամները պահանջել են անմիջապես ձերբակալել Բերքին Էլվանին սպանած ոստիկաններին, որոնց թաքցնում են, ինչպես նաև պահանջել են որպես միջնորդ ներգրավել պատգամավոր Սեզգին Թանրըքուլուին: Նրանք իրենց պահանջները իրականացնելու համար ժամանակ են տվել մինչև 15:35 (թուրքական ժամանակով):
Հիշեցնենք, որ Բերքին Էլվանը Թուրքիայի ալևի կրոնական համայնքի ներկայացուցիչներից է: Նա 2013թ. Գեզիի հակակառավարական ցույցերի ժամանակ ոստիկանների կողմից գլխի շրջանում ծանր վիրավորում էր ստացել և ամիսներ շարունակ գտնվելով կոմայի մեջ մահացել 2014-ին: Պատանու մահը հանրային դժգոհության մեծ ալիք էր բարձրացրել Ստամբուլում և Թուրքիայի այլ քաղաքներում:
Այս ենթաբաժնի վերջին նորությունները
Անթալիայի օդանավակայանը կարող է տարեկան սպասարկել շուրջ 82 մլն ուղևորի։
Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։
«AFAD»-ի հայտարարության համաձայն՝ հետցնցումները կանխատեսվել է, որ կմեղմանան և կավարտվեն առաջիկա մի քանի շաբաթների ընթացքում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ermenihaber.am-ը զրուցել է Արցախի անկման մասին պատմող «Վիրավոր արծիվը» վավերագրության հեղինակ Դեմիր Սյոնմեզի հետ։
Երկրում գործազրկության թվերը վերադարձել են COVID-19-ի ճգնաժամի ժամանակաշրջանի մակարդակին։
Էրդողանի և Իտալիայի վարչապետի նախագահությամբ գումարված գագաթնաժողովից հետո ստորագրվել է 11 պայմանագիր:
Մասնագետների կարծիքով, ընթացիկ միտումների պահպանման դեպքում Թուրքիան 2025 թվականին կարող է դառնալ աշխարհի առաջատար զբոսաշրջային ուղղություններից մեկը:
Էրդողան-Միցոտակիս հանդիպումից առաջ նախատեսված է նաև Հունաստանի արտաքին գործերի նախարար Յորգոս Գերապետրիտիսի այցը Թուրքիա։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |