Թուրքիայի գլխավոր ընդդիմադիր կուսակցությունը մեջլիսի ընտրություններում կառաջադրի հայուհու թեկնածություն

Տարածաշրջան07:06, 21 Մարտ 2015

Թուրքիայի գլխավոր ընդդիմադիր կուսակցությունը մեջլիսի ընտրություններում կառաջադրի հայուհու թեկնածություն

Թուրքիայում քաղաքական կուսակցությունները պատրաստվում են հունիսի 7-ի խորհրդարանական ընտրություններին: Թուրքական ընդդիմադիր «Ջումհուրիյեթ» պարբերականի կայքը հայտնում է, որ երկրում գլխավոր ընդդիմադիր ուժ հանդիսացող «Ժողովրդահանրապետական կուսակցության (ԺՀԿ- CHP) ղեկավարությունը որոշում է կայացրել մեջլիսի ընտրություններին մասնկացել նաև ազգային փոքրամասնությունները ներկայացնող թեկնածուներով:

Խոսքը մասնավորապես հակական Սուրբ Հակոբ հիվանդանոցի հասարակայնության հետ կապերի վարչության տնօրեն և հայ կաթոլիկ համայնքի հոգևոր առաջնորդ Լևոն Զեքիանի՝ հասարակայնության հետ կապերի պատասխանատու, Թուրքիայի Հանրապետության քաղաքացի, ազգությամբ հայ տկն Թալին Էրգյունեշ Գազերի մասին է: Նա վերջերս էր իր թեկնածությունն առաջադրելու համար դիմել ԺՀԿ-ին:

Հայտնի է դարձել նաև, որ Գազերը որպես պատգամավորի թեկնածու կառաջադրվի Ստամբուլից, բայց դեռևս հստակեցված չէ, թե հատկապես որ վարչական շրջանից:

Նշենք, որ Թուրքիայի ազգային մեծ ժողովը (ԹԱՄԺ-TBMM) միապալատ խորհրդարան է՝ 550 անդամներով: Խորհրդարան անցնելու նվազագույն շեմը 10 տոկոս է: 2007թ. սահմանադրական բարեփոխումների արդյունքում մեկ գումարման խորհրդարանի գործունեության ժամկետը 5-ից կրճատվեց 4 տարվա: Թուրքիայի ներկայիս 24-րդ գումարման ազգային մեծ ժողովն ունի միջխորհրդարանական բարեկամության խմբեր 118 պետությունների խորհրդարանների հետ:

Աղբյուր` Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: