Հասարակական11:40, 20 Մարտ 2015
Թուրքիաբնակ հայ ակտիվիստուհի. «Մեջլիսում հայ պատգամավորի բացակայությունը երկրի համար ամոթալի փաստ է»
Թուրքիայի հայկական «Նոր զարթոնք» կազմակերպությունը «Ժողովուրդների դեմոկրատական կուսակցության» (ԺԴԿ- HDP) կողմից պատգամավորի թեկնածու է առաջադրել հայ ակտիվիստուհի Ֆիլոր Ուլուքին:
Ըստ «demokrathaber.com» լրատվակայքի՝ Ստամբուլում կազմակերպված մամուլի ասուլիսի ժամանակ Ուլուքը հայտարարել է.«Ես ԺԴԿ-ում եմ, որպեսզի ոչ թե պարզապես հայերի ներկայացուցիչը լինեմ, այլ որպեսզի նպաստեմ այնպիսի քաղաքականության ստեղծմանը, որտեղ հայերն անձամբ իրենց խոսքի իրավունքը կունենան»:
Ուլուքն ընդգծել է, որ խորհրդարանում ներկայացուցիչ չունենալը հայերի համար երկար տարիներ ի վեր ձգվող խնդիր է, ինչի պատճառով հայկական համայնքի պահանջներն ու սպասելիքները անմիջականորեն չեն արտահայտվում, մի շարք հրատապ հարցեր շարունակաբար անտեսվում են և ժամանակի հետ ավելի բարդանում:
«Երկրի պատմության համար ամոթալի է այն փաստը, որ այս հողերում շուրջ հինգ հազար տարվա պատմություն ունեցող մի ազգ շուրջ 55 տարի քաղաքական ներկայացուցիչ չունի: Պատգամավորի իմ թեկնածությունն առաջադրելուս պատճառներից մեկն այն հանգամանքն է, որ ես ողջ կյանքիս ընթացքում որևէ հայ պատգամավոր չեմ տեսել այն երկրում, որտեղ որպես հայ քաղաքացի հարկեր եմ վճարում և կիրառում ընտրության իմ իրավունքը», -նշել է ԺԴԿ անդամ հայուհին:
Ուլուքը նաև նշել է, որ խորհրդարանում պատգամավորի հայ թեկնածուներ առաջադրելու շնորհիվ ԺԴԿ-ն թուրքիաբնակ հայերի հաշվին ընտրողների քանակի զգալի աճ կարող է գրանցել: Թուրքիայի խորհրդարանի պատգամավորի հայ թեկնածուն հացաստիացրել է, որ ընտրվելու դեպքում շարունակելու է պայքարել ոչ միայն Թուրքիայում ազգային փոքրամասնությունների իրավունքների և խնդիրների, այլև կանանց նկատմամբ բռնությունների և կանանց իրավունքների սահմանափակումների դեմ:
Հիշեցնենք, որ հունիսի 7-ին Թուրքիայում անցկացվելու են խորհրդարանական ընտրություններ: Թուրքիայի ազգային մեծ ժողովը (ԹԱՄԺ-TBMM) միապալատ խորհրդարան է՝ 550 անդամներով: Խորհրդարան անցնելու նվազագույն շեմը 10 տոկոս է: 2007թ. սահմանադրական բարեփոխումների արդյունքում մեկ գումարման խորհրդարանի գործունեության ժամկետը 5-ից կրճատվեց 4 տարվա:
Այս ենթաբաժնի վերջին նորությունները
2024 թվականի ընթացքում Թուրքիա է ընդունել է 60․6 մլն զբոսաշրջիկ։
Սոցհարցման մասնակիցների մեծ մասը կարծում է, որ Թուրքիայի վրա հնարավոր հարձակման դեպքում ՆԱՏՕ-ն օգնության չի գա:
Էրդողան. «Դեմոգրաֆիայի խնդիրը մեր ազգի համար քիչ-քիչ վերածվում է գոյության մարտահրավերի»
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի նախագահը նշել է, որ այդ միջանցքը օգուտ կբերի ոչ միայն Ադրբեջանին, Հայաստանին ու Թուրքիային, այլ նաև տարածաշրջանի մյուս երկրներին։
Ներկայացուցիչների միջև հանդիպումը նախատեսվում է այս շաբաթ: Հստակ օր դեռևս հայտնի չէ:
Նշենք, որ վերջին անգամ կողմերը համաձայանգիրը երկարաձգել են 2010-ին՝ 15 տարի ժամկետով։
Բանակցությունները տեղի կունենան հուլիսի 25-ին և կանցկացվեն փոխարտգործնախարարների մակարդակով։
Թուրք վերլուծաբան. «Իսրայելը չի ուզում, որ Թուրքիան ազդեցիկ լինի Սիրիայում և Լիբանանում, այլ ցանկանում է քաղաքացիական պատերազմ հրահրել ու Թուրքիային դուրս մղել Սիրիայից»։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |