Թուրքական ընդդիմության քարոզարշավը կկազմակերպի Օբամայի արշավն իրականացրած ընկերությունը

Տարածաշրջան08:02, 17 Մարտ 2015

Թուրքական ընդդիմության քարոզարշավը կկազմակերպի Օբամայի արշավն իրականացրած ընկերությունը

Թուրքիայի գլխավոր ընդիմադիր ուժը` «Ժողովրդահանրապետական» կուսակցությունը (ԺՀԿ-CHP), պատրաստվում է հունիսի 7-ին կայանալիք խորհրդարանական ընտրությունների նախընտրական քարոզարշավին:

Թուրքական «Հաբեր թուրք» լրատվական կայքը հայտնում է, որ ԺՀԿ-ն պայմանագիր է կնքել ամերիկյան հայտնի «Benenson Strateji Group» ընկերության հետ` հիշեցնելով, որ այս հենց կազմակերպությունն է ժամանակին կազմակերպել ԱՄՆ նախագահ Բարաք Օբամայի նախընտրական քարոզարշավը:

«Benenson Strateji Group»-ը նշյալ կուսակցության վարակնիշի մասին իրականացված նախնական հարցումների արդյունքների հիման վրա կազմելու է ընդհանուր ռազմավարություն և ներկայացնելու է առաջարկությունների փաթեթ:

Սպասվում հետաքրքիր ու արդյունավետ քարոզարշավ: Բացի հանրահավաքներից, որոնք նախատեսվում են անցկացվել երկրի 81 նահանգից 50-ում, ընդիմադդիր կուսակցության ղեկավար Քեմալ Քըլըչդարօղլուն անսպասելի այցեր կկատարի տարբեր շրջաններ, կմտնի շուկաներ, մարդաշատ վայրեր, տներ, կհայտնվի հասարակական տրանսպորտում և այլն:

Նշենք, որ Թուրքիայի ազգային մեծ ժողովը (ԹԱՄԺ-TBMM) միապալատ խորհրդարան է՝ 550 անդամներով: Խորհրդարան անցնելու նվազագույն շեմը 10 տոկոս է: 2007թ. սահմանադրական բարեփոխումների արդյունքում մեկ գումարման խորհրդարանի գործունեության ժամկետը 5-ից կրճատվեց 4 տարվա: Թուրքիայի ներկայիս 24-րդ գումարման ազգային մեծ ժողովն ունի միջխորհրդարանական բարեկամության խմբեր 118 պետությունների խորհրդարանների հետ:

Աղբյուր` Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: