Տարածաշրջան14:45, 17 Մարտ 2015
Թուրք պրոֆեսորը նշել է հայ-թուրքական սահմանի փակ լինելու պատճառները
Թուրքական «Kadir Has» համալսարանում կազմակերպված «Ինչու՞ է փակ հայ-թուրքական սահմանը» սիմպոզիումի հարցուպատասխան շրջանակներում հանդես է եկել համանուն համալսարանի պրոֆեսոր Միթաթ Չելիքփալան: Թուրք պրոֆեսորը, ով որպես սահմանի բացմանը խոչընդոտող գլխավոր պատճառ համարել է Ղարաբաղի հիմնախնդիրը, ոչ պակաս կարևորություն է տվել Սփյուռքի գործոնին:
Ըստ թուրքական İHA լրատվական գործակալության` Չելիքփալան ասել է, որ սփյուռքը սահմանի բացումը դիտում է Թուրքիայի կողմից ցեղասպանության ճանաչման և փոխհատուցման տրամադրման համատեքստում, մինչդեռ իր երկիրը փորձում է այդ երկու հարցերն առանձնացնել իրարից:
Իսկ սահմանի բացման հարցոմ Հայաստանի ներկա ղեկավարության դիրքորոշումը թուրք պրոֆեսորն հետևյալ կերպ է բնութագրել. «Նրանք ցանկանում են սահմանի բացում առանց որևէ քաղաքական քայլի, այսինքն` նախ սահմանի բացում, ապա` քաղաքական քայլեր: Սակայն անցյալի փորձը ցույց է տալիս, որ այս պահին այդ մոտեցումը կիրառելի չէ: Քննարկման կարիք ունի ոչ միայն Ղարաբաղի հարցը, այլ նաև Հայաստանի և Թուրքիայի միջև առկա բոլոր խնդիրները: Ղարաբաղը սահմանի բացման համար նախապայման է: Հակամարտության լուծման հարցում Հայաստանի կատարած քաղաքական քայլը կլինի այն վերաբերմունքը, որի դեպքում Թուրքիան արձանագրությունների կիրառման ուղղությամբ գործընթացներ կսկսի»:
Ավարտելով խոսքը` Չելիքփալան նշել է, որ սահմանների բացումը տարածաշրջանում խաղաղություն կապահովվի, իսկ ժողովուրդները կսկսեն իրար ավելի լավ ճանաչել, ինչպես նաև ավելի հաճախ կարող է քննարկվել ցեղասպանության թեման:
Այս ենթաբաժնի վերջին նորությունները
Այս մասին հայտնում է թուրքական մերձիշխանական «Turkiye» թերթի կայքը։
Ուժգին հրդեհներ են բռնկվել 5 նահանգում: Գյուղերի բնակիչները տարհանվում են։
Եթե գլոբալ տաքացումը շարունակվի ներկայիս տեմպերով, ապա Արարատի ձյան շերտի մեծ մասը կանհետանա առաջիկա 50 տարվա ընթացքում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այս մասին հայտնում է թուրքական մերձիշխանական «Turkiye» թերթի կայքը։
Իսրայելում պաշտոնական մակարդակով հայտարարվել է, որ իրենց համար անվտանգության ոլորտում սպառանալիք է դառնում Թուրքիան, և Իսրայելը պետք է պատրաստվի զսպել Թուրքիային՝ մասնավորապես Սիրիայի ուղղությամբ։
Եթե գլոբալ տաքացումը շարունակվի ներկայիս տեմպերով, ապա Արարատի ձյան շերտի մեծ մասը կանհետանա առաջիկա 50 տարվա ընթացքում։
Ըստ նախարարի՝ նպատակ կա ուժեղացնել Թուրքիայի լոգիստիկ հնարավորությունները:
Գնման գործարքի արժեքը կազմում է 5․6 միլիարդ դոլար։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |