Տարածաշրջան10:04, 16 Մարտ 2015
New York Times. Թուրքիան մեկուսանում է ՆԱՏՕ-ից
Ամերիկյան «New York Times» թերթում հրապարակված հոդվածում նշվում է, որ չնայած Թուրքիայի արտաքին գերատեսչության պաշտոնական կայքում զետեղված հայտարարությանը, համաձայն որի, երկրի անվտանգության հարցերում ՆԱՏՕ-ին վերապահվում է առանցքային դեր, երբեք Թուրքիայի դերը դաշինքում այնքան անորոշ չի եղել, որքան հիմա:
Հոդվածագիրը շեշտադրումը կատարվում է Թուրքիայի հետ կապված երեք թեմաների վրա, որոնք վնաս են հասցնում ՆԱՏՕ-ի սկզբունքներին: Թուրքական «Այդընլըք» լրատվական կայքի տեղեկացմամբ` այդ թեմաներն են`
1. «Իսլամական պետության» (ԻՊ) դեմ պայքարին ոչ բավարար մասնակցությունը:
2. Չինաստանից ՆԱՏՕ-ի համակարգերին չհամապատասխանող հակահրթիռային համակարգեր գնելու մտադրությունը:
3. Ուկրաինայի նկատմամբ Ռուսաստանի իրականացրած օկուպացիայի վերաբերյալ հստակ դիրքորոշում չարտահայտելը:
Նշվում է, որ Թուրքիայի նախագահ Ռեջեփ Թայիփ Էրդողանն ու երկրի կառավարությունը, որոնք ՆԱՏՕ-ի հետ ամբողջական համագործակցություն չեն իրականացնում, բացահայտ կերպով դաշինքի սկզբունքներին ու շահերին հակասող դիրքորոշում են որդեգրել: Խիստ քննադատության է ենթարկվել Թուրքիայի` ՆԱՏՕ-ի ՀՕՊ համակարգերին չինտեգրվող չինական արտադրության մեծ հեռահարության հակահրթիռային համակարգերի գնման մտադրությունը: Դա լրջորեն անհանսգտացրել է արևմտյան դաշնակիցներին: Հիշեցվում է, որ չինական հրթիռային այդ համակարգերը ռիսկային են, և ԱՄՆ կոնգրեսականներն արդեն դեմ են արտահայտվել այդ գաղափարին:
Ամերիկյան թերթի քննադատություններից զերծ չեն մնացել վերջին շրջանում նկատվող ռուս-թուրքական հարաբերությունները և Թուրքիայի տարածքով անցկացվելիք ռուսական գազատարի կառուցման վերաբերյալ համաձայնությունը: Հոդվածի վերջում նշվում է, որ ԱՄՆ-ի ղեկավարությունը ոչ մի կերպ չի պատկերացնում Թուրքիայի մեկուսացումը ՆԱՏՕ-ից:
Այս ենթաբաժնի վերջին նորությունները
Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը:
Թուրքիայի արտգործնախարարի կարծիքով, միջազգային համակարգը չի կարողանում լուծել ո՛չ գլոբալ խնդիրները, ո՛չ էլ տարածաշրջանային հակամարտությունները։
Երկրաշարժը տեղի է ունեցել առավոտյան ժամը 8։24-ի սահմաններում:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Երևանում կայացել է Հայաստանի և Թուրքիայի միջև կարգավորման գործընթացի հատուկ ներկայացուցիչների 6-րդ հանդիպումը։
Թուրքիայի Դողուբեյազըթ քաղաք ժամանած լեռնագնացները տեղացի ուղեկցող Ջումա Սալթիքի առաջնորդությամբ փորձել են նվաճել լեռան գագաթը։
Մոշե Էլադը նշել է, որ հնարավոր հարձակման դեպքում չկա որևէ երաշխիք, որ ՆԱՏՕ-ն անվերապահորեն կաջակցի Թուրքիային։
Թուրքիա-Հայաստան հարաբերությունների կարգավորման հարցով հատուկ ներկայացուցիչը ժամանել է Հայաստան։
Ճապոնիայի Առևտրի նախարարության հայտարարության համաձայն՝ որոշումը ուժի մեջ կմտնի սեպտեմբերի 19-ից։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |