Դավութօղլուն հանդիպել է սիրիական ընդդիմության հետ

Տարածաշրջան11:13, 14 Մարտ 2015

Դավութօղլուն հանդիպել է սիրիական ընդդիմության հետ

Թուրքիայի վարչապետ Ահմեդ Դավութօղլուն մայրաքաղաք Անկարայում հանդիպում է ունեցել Սիրիայի ընդդիմադիր և հեղափոխական ուժերի միության (SMDK) նախագահ Ահմեդ Մուազ ալ Հաթիբի, ինչպես նաև Սիրիայի ազգային խորհրդի նախագահ Ջորջ Սաբրայի հետ: Հանդիպմանը ներկա են գտնվել նաև վերոնշյալ միության և խորհրդի մի շարք այլ պաշտոնյաներ:

Ըստ թուրքական «Փոսթա» լրատվամիջոցի` հանդիպման ընթացքում Թուրքիայի վարչապետը Սիրիայից եկած պատվիրակությունների հետ մի շարք հարցերի է քննարկել:

Մասնավորապես, վարչապետը, խոսելով Սիրիայում ստեղծված իրավիճակի մասին, նշել է, որ Սիրիայի ապագայի վերաբերյալ որոշում կայացնողը պետք է ժողովուրդը լինի: Իսկ Թուրքիան` որպես բարեկամական երկիր, կաջակցի Սիրիային` ստեղծված իրավիճակը կարգավորելու ուղղությամբ:

Թուրքիայի վարչապետը, ընգծելով, որ Սիրիայում ստեղծված անկայուն իրավիճակի մեղավորը նախագահ Բաշար Ասադն է, հավելել է, որ վերջինս կորցրել է լեգիտումությունը` թե Սիրայի ժողովրդի շրջանում, թե միջազգային ասպարեզում:

Ըստ Դավութօղլուի` «SMDK» -ն հանդիսանում է այն հիմնական ուժը, որի միջոցով Սիրիայում իրավիճակը կարող է կարգավորվել: Կողմերը նախ համակարծություն են հայտնել նաև այն հարցում, որմոտ ապագայում Սիրիայում կրակը պետք է դադարեցվի, ինչպես նաև վերջ տրվի երկրում առկա էթնիկ և կրոնական բախումներին:

Միաժամանակ, Թուրքիայի վարչապետը ցանկություն է հայտնել, որ «SMDK» -ն Թուրքիայում ևս պետք է ներկայացուցիչ ունենա:

Աղբյուր` Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: