Սոցհարցում Թուրքիայում` խորհրդարանական ընտրություններին ընդառաջ

Տարածաշրջան07:21, 12 Մարտ 2015

Սոցհարցում Թուրքիայում` խորհրդարանական ընտրություններին ընդառաջ

Հանրային կարծիքի ուսումնասիրությամբ զբաղվող «SONAR» հետազոտական ընկերությունը առաջիկա խորհրդարանական ընտրություններին ընդառաջ սոցհարցումներ է իրականացրել Թուրքիայի բնակչության շրջանում: Նշյալ ընկերությունը հայտնի է երկրի գլխավոր ընդդիմադիր ուժ հանդիսացող «Ժողովրդահանրապետական» (ԺՀԿ-CHP) կուսակցության հետ ունեցած սերտ կապերով:

Թուրքական իշխանամետ «Յենի Շաֆաք» թերթի կայքը տեղեկացնում է, որ «SONAR»-ի անցկացրած հարցումների արդյունքում իշխող «Արդարություն և զարգացում» (ԱԶԿ- AKP) կուսակցությունը հավաքել է 40 տոկոս ձայն: Նման ցուցանիշով «ԱԶԿ»-ն Թուրքիայի ազգային մեծ ժողովում (ԹԱՄԺ-TBMM) կարող է ունենալ ընդամենը 243 պատգամավորական աթոռ: Իսկ դա կնշանակի, որ 550 անդամ ունեցող Թուրքիայի միապալատ խորհրդարանում ԱԶԿ-ն չի կարողանա մեծամասնություն կազմել:

Նույն այդ հարցումների համաձայն` ԺՀԿ-ն ստացել է 27.1 տոկոս ձայն, իսկ Դևլեթ Բահչելի գլխավորած ընդդիմադիր «Ազգայնական շարժում» (ԱՇԿ-MHP) կուսակցությունը և «Ժողովուրդների դեմոկրատական կուսակցություն»-ը համապատասխանաբար ստացել են 18 և 10.1 տոկոս ձայներ: Նման ցուցանիշով վերջին երկուսը խորհրդարանում կարող են ունենալ 116 և 58 պատգամավորական մանդատ:

Հիշեցնենք, որ ներկայիս գումարման խորհրդարանի ընտրությունների ժամանակ (2011թ.) ԱԶԿ-ն ստացել էր 21 մլն 320. 207 ձայն (49.80 տոկոս), ԺՀԿ-ն` 11 մլն 122.420 ձայն (25.98 տոկոս), իսկ ԱՇԿ-ն`5 մլն 575.010 (13.02 տոկոս):

Աղբյուր` Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: