Տնտեսական08:29, 12 Մարտ 2015
ԵՄ-ն ծրագրում է էներգետիկ համագործակցություն սկսել Թուրքիայի հետ
Եվրոպական միության (ԵՄ) հանձնաժողովը նպատակ ունի Եվրոպայում ընդհանուր էներգետիկ շուկա ստեղծելուն միտված «Էներգետիկ միություն» նախագծի շրջանակներում համագործակցել Թուրքիայի հետ:
ԵՄ հանձնաժողովը, ի պատասխան թուրքական «Անադոլու» լրատվական գործակալության «էներգետիկ միության» վերաբերյալ հարցերին, հանդես է եկել գրավոր պարզաբանմամբ:
«Եվրահանձնաժողովը, էլեկտրաէներգիա արտադրող կամ տարանցում իրականացնող երկրների, այդ թվում՝ Թուրքիայի, Ալժիրի, Ադրբեջանի, Թուրքմենստանի և այլ պոտենցիալ մատակարար երկրների հետ էներգետիկ համագործակցություն ստեղծելու համար գործադրելու է իր բոլոր արտաքին քաղաքական լծակները»- ասված է գրավոր հայտարարության մեջ:
Եվրահանձնաժողովն ուսումնասիրում է ԵՄ անդամ երկրների՝ երրորդ երկրների հետ էներգետիկայի ոլորտում կնքած բոլոր պայմանագրերը: Առաջիկայում նմանատիպ պայմանագրեր կնքելիս ԵՄ անդամ երկրները պարտադրված կլինեն այդ մասին տեղեկացնելու «Էներգետիկ միությանը»: Անդամ երկրների և երրորդ երկրների միջև ստորագրվող էներգետիկ պայմանագրերը կլինեն «Էներգետիկ միության» վերահսկողության տակ:
«Էներգետիկ միության» հարցերով եվրահանձնաժողովի անդամ Մարոս Սևկովիկը նշել է, որ այդ նախագիծը վերջին 50 տարում ԵՄ-ում նման թեմայով օրակարգ բերված հեռանկարային նախագիծերից մեկն է:
«Էներգետիկ միության» նախագծի նպատակը ոչ միայն Եվրոպայում ընդհանուր էներգետիկ շուկայի ստեղծումն է, այլև եվրաինտեգրման խթանումը, էներգետիկայի ոլորտում արտաքին երկրներից կախվածության նվազեցումը, վերականգնվող էներգիայի ոլորտում ձեռքբերումներ ունենալը:
Այս ենթաբաժնի վերջին նորությունները
Կարսում կազմակերպված «Սահմանակից նահանգների տնտեսական ֆորում»-ին ներկա է գտնվել նաև Թուրքիայում Ադրբեջանի դեսպան Ռաշադ Մամեդովը։
Թուրքիայի Էներգետիկայի և բնական պաշարների նախարարն արձագանքել է իրանական գազի ներկրման մասին մտահոգիչ խոսակցություններին։
Իրանի և Իսրայելի ֆոնդային բորսաներում ևս զգալի անկում է նկատվում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Նիկոլ Փաշինյանը հանդիպում կունենա տեղի հայ համայնքի ներկայացուցիչների հետ։
Աբբաս Արաղչին Ստամբուլում կմասնակցի «Իսլամական համագործակցություն» կազմակերպության անդամ երկրների արտգործնախարարների խորհդի նիստին:
Թուրքիայի նախագահ Ռեջեփ Թայիփ Էրդողանն և Ադրբեջանի նախագահ Իլհամ Ալիևը մասնակցել են Քահրամանմարաշում «Ադրբեջանական թաղամաս» համալիրի բացմանը Էրդողանը ելույթն ավարտել է քահարամանմարաշցի բան
Այդ մասին ՀՀ վարչապետը հատնել է Ստամբուլի հայ համայնքի հետ հանդիպման ընթացքում։
Այդ մասին հայտարարել է ՀՀ վարչապետը Ստամբուլի հայ համայնքի ներկայացուցիչների հետ հանդիպման ընթացքում։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |