Հաքան Ֆիդանը վերանշանակվել է Թուրքիայի հետախուզության ղեկավար

Տարածաշրջան11:43, 10 Մարտ 2015

Հաքան Ֆիդանը վերանշանակվել է Թուրքիայի հետախուզության ղեկավար

Թուրքիայի կառավարության խոսնակ Բյուլենթ Արընչը հայտարարել է, որ Հաքան Ֆիդանը հետ է վերցրել իշխող «Արդարություն և զարգացում» կուսակցության (ԱԶԿ-AKP) ցուցակով խորհրդարանական ընտրություններին մասնակցելու իր դիմումը և վերանշանակվել Թուրքիայի ազգային հետախուզական ծառայության (MİT) ղեկավարի պաշտոնում:

Ինչպես հայտնում է թուրքական «Աքշամ» թերթի կայքը, Արընչը հայտարարել է, որ Հաքան Ֆիդանը այդ հարցը քննարկել է վարչապետ Դավութօղլուի հետ, վերջինս էլ խորհրդակցել է նախագահ Էրդողանի հետ: Արդյունքում կայացվել է Ֆիդանի վերանշանակաման որոշումը: Նա շուտով կանցնի իր նախկին պարտականությունների կատարմանը:

Նշենք, որ հետախուզության ծառայության ղեկավարի պաշտոնից Ֆիդանի հրաժարականը հարուցել էր Թուրքիայի նախագահի դժգոհությունը: Ֆիդանը MİT-ի ղեկավարի պաշտոնից հրաժարական էր տվել փետրվարի 7-ին, իսկ փետրվարի 20-ին դիմում էր ներկայացրել հունիսի 7-ին Թուրքիայում սպասվող խորհրդարանական ընտրություններին ԱԶԿ-ի ցուցակով մասնակցելու համար: Ֆիդանը MİT-ը ղեկավարում էր սկսյալ 2010 թվականի մայիսի 25-ից:

Աղբյուր` Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։