Հասարակական13:43, 09 Մարտ 2015
Թուրքիայի քաղաքացին ազատվել է աշխատանքից` Էրդողանին և Դավութօղլուին քննադատող ֆեյսբուքյան գրառման համար
Թուրքիայի քաղաքացի մի բուժաշխատող ազատվել է աշխատանքից` ֆեյսբուք սոցիալական ցանցում կատարած իր հրապարակումներում երկրի նախագահին ու վարչապետին քննադատելու համար:
Թուրքական «evrensel.net» լրատվակայքի համաձայն` Չանաքքալեի նահանգապետարանի Հանրային առողջության վարչությունը տեղեկություն է ստացել Չանաքքալեի մի բժշկական ընկերության սանիտարական մաքրության ծառայության աշխատակցուհի Ա.Ս.-ի վերոհիշյալ գրառումներ մասին, ինչի հիման վրա նահանգապետարանը պաշտոնական գրություն է ուղարկել բժշկական ընկերությանը` «անհրաժեշտ միջոցները ձեռնարկելու» պահանջով: Գրությամբ, որի վրա եղել է «գաղտնի» կնիքը, պահանջվել է գործել Թուրքիայի Աշխատանքային օրենսգրքի համաձայն և կայացված որոշման մասին գրավոր տեղեկացնել նահանգապետարանին: Նամակին կից ուղարկվել են նաև Ա.Ս. ֆեյսբուքյան հրապարակումների պատճենները:
Այս գրությունը ստանալուց հետո բժշկական ընկերությունն աշխատանքից հեռացրել է քաղաքացուհուն և համապատասխան իրավաբանական աջակցության համար դիմել է փաստաբան Մեհմեթ Բյուլենթ Օթկյունին: Սակայն փաստաբանը չի ցանկացել օժանդակել ընկերությանը` ընդգծելով, որ ընկերության կայացրած որոշումը հակասում է Մարդու իրավունքների եվրոպական հռչակագրի` խոսքի ազատության դրույթին, ինչպես նաև`Մարդու իրավունքների եվրոպական դատարանի` նմանատիպ դատական գործերում կայացրած որոշումներին:
Այս ենթաբաժնի վերջին նորությունները
2024 թվականի ընթացքում Թուրքիա է ընդունել է 60․6 մլն զբոսաշրջիկ։
Սոցհարցման մասնակիցների մեծ մասը կարծում է, որ Թուրքիայի վրա հնարավոր հարձակման դեպքում ՆԱՏՕ-ն օգնության չի գա:
Էրդողան. «Դեմոգրաֆիայի խնդիրը մեր ազգի համար քիչ-քիչ վերածվում է գոյության մարտահրավերի»
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի նախագահը նշել է, որ այդ միջանցքը օգուտ կբերի ոչ միայն Ադրբեջանին, Հայաստանին ու Թուրքիային, այլ նաև տարածաշրջանի մյուս երկրներին։
Ներկայացուցիչների միջև հանդիպումը նախատեսվում է այս շաբաթ: Հստակ օր դեռևս հայտնի չէ:
Նշենք, որ վերջին անգամ կողմերը համաձայանգիրը երկարաձգել են 2010-ին՝ 15 տարի ժամկետով։
Բանակցությունները տեղի կունենան հուլիսի 25-ին և կանցկացվեն փոխարտգործնախարարների մակարդակով։
Թուրքիայի Սաքարյա նահանգի Գեյվե շրջանում երկու օր է, ինչ ուժգին անտառային հրդեհներ են:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |