«Բողազիչի» համալսարանի ուսանողները բոյկոտել են Հայոց ցեղասպանությունը ժխտող միջոցառումը

Հասարակական08:07, 06 Մարտ 2015

«Բողազիչի» համալսարանի ուսանողները բոյկոտել են Հայոց ցեղասպանությունը ժխտող միջոցառումը

Թուրքիայի Ստամբուլ քաղաքի «Բողազիչի» համալսարանի ուսանողները, հետևելով «Ժողովուրդների դեմոկրատական կուսակցության» (ԺԴԿ-HDK) կոչին, բոյկոտել են Հայոց ցեղասպանությունը ժխտող մի միջոցառում, որը կազմակերպվել է «Քեմալիստական գաղափարախոսության ակումբ»-ի կողմից:

«Բռնագաղթի 100-րդ տարին» խորագրով միջոցառման ժամանակ, ըստ թուրքական «Էթհա» լրատվակայքի, ուսանողները մուտք են գործեl սրահ և իրենց բողոքն արտահայտել: Բացի այդ նրանք ցուցապաստառներ են փակցրել պատերին հետևյալ գրություններով` «Ոչ թե տեղահանություն, այլ ցեղասպանություն», «Առերեսվեք Հրանտի հետ, առերեսվեք ցեղասպանության հետ»:

Բողոքի միջոցառման մասնակիցները տարածել են հայտարարություն, որտեղ մասնավորապես մեջբերվել են Հրանտ Դինքի «Այս հողերում 4 հազար տարի ապրած ժողովուրդն այլևս չկա» հայտնի խոսքերը: Հիշեցվում է Դինքի, ինչպես նաև Սամաթիա թաղամասում հայ կանանց սպանությունների մասին և նշվում, որ սիստեմատիկ կերպով ցեղասպանությունը մինչև օրս շարունակվում է:

Աղբյուր` Ermenihaber.am

Այս ենթաբաժնի վերջին նորությունները

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։