Հայկական մշակութային ժառանգությանը նվիրված համաժողով Ստամբուլում

Մշակութային09:08, 17 Դեկտեմբեր 2014

Հայկական մշակութային ժառանգությանը նվիրված համաժողով Ստամբուլում

Ստամբուլում տեղի է ունեցել «Անատոլիայում հայկական մշակույթի հետքերը» խորագրով համաժողով: Նախաձեռնողը եղել է «Մարդու իրավունքերի կազմակերպության» Ստամբուլի մասնաճյուղը:

Ինչպես հայտնում է «Դեմոկրատհաբեր» լրատվակայքի սյունակագիր Հրանտ Գասպարյանը, համաժողովի ընթացքում հետազոտող-ճարտարապետ Զաքարյա Միլդանօղլուն ներկայացրել է Հայոց ցեղասպանությունից առաջ Անատալիայի հայաբնակ 19 քաղաքների կարևոր կառույցների պատմությունը և մշակութային կենցաղը: Իսկ այլատյացության և խտրականության դեմ պայքարի հանձնաժողովի անդամ Մերալ Չըլդրը նշել է, որ արդեն մեկնարկ է տրվել «Ցեղասպանության 100-ամյակին ընդառաջ՝ վերջ ժխտողականությանը» նախաձեռնությանը:

«Ժխտողական քաղաքականության հետևանքով ոչ միայն մի ողջ ժողովուրդ է կոտորվել, այլև մշակութային հարուստ ժառանգությունն էլ է դատապարտվել ոչնչացման »,-ասել է Չըլդըրը:

Ermenihaber.am