Դավութօղլու. «Դինքի սպանությունը պատահականություն չէր»

Իրավական07:28, 16 Դեկտեմբեր 2014

Դավութօղլու. «Դինքի սպանությունը պատահականություն չէր»

Թուրքիայի վարչապետ Ահմեթ Դավութօղլուն, պատասխանելով «ՀաբերԹուրք» լրատվականի հարցերին, անդրադարձել է «Ակոս» թերթի հիմնադիր խմբագրապետ Հրանտ Դինքի սպանությանը: Դավութօղլուն նախ պատմել է, որ Դինքի հետ ծանոթություն հաստատել է գիտական գործունեության շրջանակներում, միասին մասնակցել են մի շարք կոնֆերանսների: Անջնջելի տպավորություն է թողել հատկապես այն դեպքը, երբ մի անգամ Ստամբուլի փաստաբանների միությունում անցկացվող բաց նիստի ժամանակ Դինքը ելույթ ունենալիս ասել է. «Եթե նույնիսկ մենք գյավուր ենք, ապա ձեր գյավուրներն ենք, այս հողերի գյավուրներն ենք»:

Դավութօղլուն համոզմունք է հայտնել, որ Դինքի սպանությունը պատահականություն չէր: «Երբեք չեմ կարող մոռանալ սպանության օրը: Լուրն առա ու տխրեցի: Անմիջապես զանգահարեցի այդ ժամանակվա արտգործնախարար Աբդուլլահ Գյուլին: Ես Ստամբուլում էի, նա` Անկարայում: Առաջարկեցի, որ սփյուռքին կոչ անենք գալ Ստամբուլ և մասնակցել հուղարկավորությանը, զանգահերլ և պատտոնապես հրավիրել նաև մեր դեսպաններին: Կանչեցինք, բոլորը եկան: Մի իսկական հեղափոխություն էր: Ժողովուրդը տեր կանգնեց Հրանտ Դինքին: Մեր բոլոր տաբուները մեկ առ մեկ կոտրել է հարկավոր»:

Հարցին, թե արդյոք Դավութօղլուն կհանդիպի Դինքի ընտանիքին, վարչապետը պատասխանել է, որ հնարավոր է: Նա նաև հիշեցրել է ազգությամբ հայ Էթյեն Մահչուփյանին իր գլխավոր խորհրդականի պաշտոնում նշանակելու մասին` վստահեցնելով, որ դա արել է ոչ թե նրա ազգային պատկանելության, այլ ինտելեկտուալ կարողությունների և նրա հանդեպ վստահություն ունենալու համար:

Ermenihaber.am

Այս ենթաբաժնի վերջին նորությունները

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։