«Թուրքիայում եթե քննադատես իշխանությանը, հաջորդ օրը դուռդ կթակեն հարկային տեսուչները»

Տարածաշրջան13:18, 16 Դեկտեմբեր 2014

«Թուրքիայում եթե քննադատես իշխանությանը, հաջորդ օրը դուռդ կթակեն հարկային տեսուչները»

Թուրքիայի գլխավոր ընդդիմադիր ուժի` «Ժողովրդահանրապետական կուսակցության» (ԺՀԿ-CHP) առաջնորդ Քեմալ Քըլըչդարօղլուն անդրադարձել է դեկտեմբերի 14-ի ոստիկանական օպերացիային, որի ժամանակ ձերբակալվել էին շուրջ երկու տասնյակ լրագրողներ:

Թուրքիայի երիտասարդ գործարարների միության կազմակերպած ծրագրին մասնակցելիս` Քըլըչդարօղլուն հայտարարել է, որ Թուրքիան սրընթաց արագությամբ գնում է դեպի բռնատիրական կառավարում:

«Մամուլի ազատությունից ենք խոսում: Անազատ մամուլի երկրում ժոողովուրդն էլ ազատ չէ: Դուք չեք կարողանում օգտվել տեղեկացված լինելու ձեր իրավունքից: Առավոտ գիշերով կգան ձեռ դուռը կթակեն, բերման կենթարկեն, ցուցմունք կվերցնեն ձեզնից»,- ըստ «Զաման» պարբերականի` ասել է ընդդիմադիր առաջնորդը:

Դատապարտելով իշխանությունների կողմից բանեցվող ճնշումը մարդկանց խոսքի ազատության և ազատ արտահայտվելու իրավունքի վրա` Քըլըչդարօղլուն հիշեցրել է Թուրքիայում ժողովրդավարության բացակայությա մասին:

«Եթե իշխանությանը քննադատես, հաջորդ օրը դուռդ կթակեն հարկային տեսուչները: Սրա անունը ժողովրդավարություն չէ»:

Հիշեցնենք, որ մի քանի օր շարունակ խոսակցություններ էին շրջանառվում, թե Թուրքիայում իրավապահները պետք է ձերբակալեն մի շարք քաղաքացիների, որոնց շարքերում կլինեն նաև լրագրողներ: Եվ ահա դեկտեմբերի 14-ի վաղ առավոտյան ոստիկանությունը միաժամանակյա օպերացիա է իրականացրել երկրի 13 նահանգներում և բերման ենթարկել ավելի քան 3 տասնյակ մարդու: Ստամբուլի գլխավոր դատախազ Հադի Սալիհօղլուն 31 կասկածյալի ձերբակալության մասին որոշում է ընդունել: Հրապարակվել է ձերբակալվածների անվանացանկը, որոնց մեջ կա նաև հայտնի «Զաման» ընդդիմադիր պարբերականի խմբագրական խորհրդի ղեկավար Էքրեմ Դումանլըն: Ձերբակալվածները մեղադրվում են «Իշխանությունը զավթելու, զինված ահաբեկչական կազմակերպություն հիմնելու, ղեկավարելու, անդամակցելու, խարդախություն և զրպարտություն անելու մասին» հոդվածի հատկանիշներով:

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: