«Հայկական հարցը հարյուրամյակին ընդառաջ». ժխտողական կոնֆերանսները հաճախակիանում են

Տարածաշրջան12:02, 11 Դեկտեմբեր 2014

«Հայկական հարցը հարյուրամյակին ընդառաջ». ժխտողական կոնֆերանսները հաճախակիանում են

Վերջին ամիսներին թուրքական համալսարաններում մեկը մյուսի հետևից Հայոց ցեղասպանությանը նվիրված տարբեր մասշտաբի ժխտողական գիտաժողովներ են անցկացվում: Հերթական գիտաժողովը տեղի է ունեցել Սաքարիայի համալսարանում: Թուրքական «Ռադիկալ»-ը ներկայացրել է գիտաժողովի գլխավոր բանախոսներից Սաքարիայի համալսարանի դասախոս, պատմաբան Ֆիքրեթթին Յավուզի ելույթը:

Յավուզը նշել է, որ Մեհմեթ Ֆաթիհ (15-րդ դար) սուլթանի ժամանակներից սկսած մինչև 19-րդ դար հայերի ու թուրքերի միջև խնդինիրներ չեն եղել՝ ավելացնելով որ հայկական հատվածի համար շրջադարձային են եղել 1840-1870թթ.-ը: Վերջինիս խոսքերով այդ ընթացքում հայկական համայնքում մեծացել է սեփական պետոթյունը հիմնել ցանկացող երիտասարդ սերունդ: Իսկ երիտասարդների, իր խոսքերով, անջատողական գաղափարների առաջացումը Յավուզը կապել է միսիոներական խմբերի գործունեության հետ: Նրա խոսքով Օսմանյան կայսրությունում բոլոր տեսակի անջատողական գործողություններն են կապված եղել միսիոներական գործունեության հետ, քանզի վերջիններիս նպատակը Արևելյան հարցն է եղել, իսկ Հայկական հարցը, ըստ Յավուզի, դրա մի մասն է:

Գիտաժողովին դասախոսական կազմից ու ուսանողներից բացի մասնակցել են տարբեր մակարդակի պետական պաշտոնյաներ:

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: