Թուրքական համալսարանում հայերեն սովորող ուսանողները մնացել են առանց դասախոսի

Գիտակրթական12:36, 05 Դեկտեմբեր 2014

Թուրքական համալսարանում հայերեն սովորող ուսանողները մնացել են առանց դասախոսի

Թրակիայի թուրքական համալսարանի բանասիրության ֆակուլտետի հայոց լեզու և գրականության ամբիոնի ուսանողները մնացել են առանց դասախոսի: Մասնագետի բացակայության պատճառով ուսանողները ճարահատյալ որոշում են կայացրել կրթությունը շարունակել համալսարանի այլ բաժիններում:

Ինչպես տեղեկացնում է, թուրքական «Ջիհան» լրատվական գործակալությունը, հիմա 3-րդ կուրս հասած ուսանողները կանգնել են փաստի առաջ: Ֆակուլտետի ղեկավարությունը փնտրտուքների մեջ է, որպեսզի համապատասխան մասնագետ գտնի և հրավիրի դասախոսելու 3-րդ կուրս հասած ուսանողներին, բայց առայժմ ապարդյուն:

Բանասիրության ֆակուլտետի դեկան պրոֆեսոր Ռեջեփ Դույմազը, պարզաբանելով իրավիճակը, նշել է, որ 3 տարի առաջ բացված հայոց լեզվի և գրականության ամբիոնում այլ երկրի քաղաքացիություն ունեցող մասնագետներն էին դասավանդում: Նրանք ամեն տարի, ըստ ընթացակարգի, երկարացնում էին իրենց աշխատանքային պայմանագրերը: Բայց անցած ուսումնաական տարվա վերջին արդեն հայերենի մասնագետները չեն ցանկացել երկարացնել պայմանագրի ժամկետը:

«Փոխադարձ համաձայնության չկարողացանք գալ և նրանք հրաժարվեցին շարունակել իրենց աշխատանքն ամբիոնում: Մենք էլ ձեռնամուխ ենք եղել նոր կադրերի որոնմանը: Օգտագործում ենք մեր բոլոր հնարավորությունները»,- հայտնել է դեկանը:

Վերջինս նաև նշել է, որ իրենք կադրերի հարցով դիմել են Թուրքիայի հայկական դպրոցների ուսուցչական անձնակազմին, բայց իրենց կրթական ծրագրին համապատասխան մասնագետ չի գտնվել: Արդյունքում Թրակիայի համալսարանի ուսանողներին դեկանատն առաջարակել է տեղափոխվել լեզվի գծով այլ բաժիններ (անգլերեն, ռուսերեն):

Ermenihaber.am

Այս ենթաբաժնի վերջին նորությունները

12:45, 30 մայ

Բերքլիի համալսարանում ադրբեջանցիների ճնշմամբ կրկին չեղարկվել է Արցախի մասին ֆիլմի ցուցադրությունը

Նշենք, որ ֆիլմի ռեժիսորը Սարին Հայրապետյանն է և ֆիլմը պատմում է 11 տարեկան տղայի մասին, ով տեղահանվել էր Արցախից Հայաստանի և Ադրբեջանի միջև 44-օրյա պատերազմի ժամանակ։