Հռոմի պապի` Թուրքիա կատարելիք այցի օրակարգ. 5 հարց

Տարածաշրջան08:04, 28 Նոյեմբեր 2014

Հռոմի պապի` Թուրքիա կատարելիք այցի օրակարգ. 5 հարց

Նոյեմբերի 28-ին Հռոմի պապ Ֆրանցիսկոս 1-ինը կայցելի Թուրքիա: Թուրքական «Հուր հաբեր» լրատվական կայքը գրում է, որ Հռոմի պապը Թուրքիա է այցելում մի ժամանակահատվածում, երբ «Իսլամական պետություն» ահաբեկչական կազմակերպությունը, իսլամը գործիք դարձնելով, բռնություններ է գործում Մերձավոր Արևելքում :

Այս առնչությամբ Վատիկանի գլխավոր քարտուղար կարդինալ Պիերո Պարոլին հայտնել է, որ Հռոմի պապի Թուրքիա է այցելում շատ կարևոր ուղերձով, այն է. «Պետք է դատապարտել կրոնի միջոցով մանիպուլացիա անելը, Աստծո անունն օգտագործելով բռնություն գործելը»:

Թուրքական կայքը անդրադարձել է 5 հարցի, որոնք տեղ կգտնեն Ֆրանցիսկոս 1-ինի այցի օրակարգում:

Սպասվում է, որ կաթոլիկների հոգևոր առաջնորդը կխուսափի Սուրբ Սոֆիա տաճարում աղոթք անելուց, որտեղ իր նախորդներից Պողոս 6-ի ծնկաչոք աղոթքը ժամանակին մեծ աղմուկ էր բարձրացրել:
Սպասվում է, որ Հռոմի պապը կկրկնի նախորդ պապի՝ Բենեդիկտոս 16-ի արածը և կաղոթի Սուլթանահմեթ մզկիթում: Ֆրանցիսկոսը կլինի 2—րդ պապը, ով կայցելի Սուլթանահմեթ:
Հռոմի պապը չի խոսի Հայոց ցեղասպանության մասին: 2013 թվականին Հռոմի պապը 1915 թվականի կոտորածները որակել էր ցեղասպանություն՝ ասելով. «20-րդ դարի առաջին ցեղասպանությունը հայերի ցեղասպանությունն էր»:
Նա կայցելի նոր կառուցված նախագահական նստավայր՝ Սպիտակ պալատ (Աքսարայ)՝ դառնալով առաջին բարձրաստիճան հյուրը: Սակայն հնարավոր է, որ Ֆրանցիսկոսին դիմավորեն բողոքի ցույցով: Բան այն է, որ ճարտարապետների միությունը նամակով դիմել էր պապին և պահանջել չմասնակցել Սպիտակ պալատում կատարվելիք ընդունելությանը՝ այցի դեպքում զգուշացնելով հնարավոր բողոքի ակցիայի մասին:
Ֆրանցիսկոս 1-ինը կհանդիպի Հունական ուղղափառ եկեղեցու առաջնորդ, Կոնստանդնուպոլսի տիեզերական պատրիարք Բարդուղիմեոս 1-ինի հետ: Հանդիպման ընթացքում ուղղափառ և կաթոլիկ եկեղեցիների միասնությանն ու համերաշխությանը վերաբերող հարցեր կքննարկվեն:

Հռոմի պապի այցի ընթացքում անվտանգության արտակարգ միջոցառումներ կձեռնարկվեն: Անկարայի ոստիկանությունը դատարանի հատուկ որոշմամբ ոստիկաններին մեքենաները խուզարկելու արտոնություն է տվել: Այցի անվտանգությունն ապահովելու միջոցառումներում կներգրավվեն 2.700 ոստիկան և 1 ուղղաթիռ:

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: