ERMENI HABER AJANSI

Թուրք-ադրբեջանակա մեկ տասնյակից ավել հասարակական կազմակերպություններ համատեղ հայտարարություն են ստորագրել, որոմ պահանջում են, որպեսզի Արցախում դատապարտվող Ադրբեջանցի դիվերսանտներ Դիլգեմ Էսգերովն ու Շահբազ Գուլիևն ազատ արձակվեն: Այս մասին հաղորդում է թուրքական «Սաբահ»-ը:

Համատեղ հայտարարության մեջ նշվում է, որ գերի վերցված ադրբեջանցիներն ընդամենը գնացել էին իրենց նախնիների գերեզմաններին այցելության՝ նպատակ չունենալով որևէ գործողության: Հետևաբար նրանք Լեռնային Ղարաբաղում պահվում ու դատապարտվում են «ամբողջովին անօրինական»: Հայտարարության մեջ նշվումէ, որ խմբի 3-րդ անդամը՝ Հասան Հասանովը սպանվել է հայկական զինուժի խոշտանգումների արդյունքում:

Հատկանշական է, որ հայտարարության մեջ չկա որևէ խոսք Հասանովի կողմից սպանված հայ սպայի և վիրավորված կնոջ մասին: Խմբի անդամների կողմից սպանված հայ երեխայի մասին նույնպես որևէ բան չի հիշատակվում:

Հայտարարության տակ ստորագրել են «Թուրքական ժողովուրդների կոնգրեսը», «Թուրքական աշխարհի ուսումնասիրության հիմնադրամը», «Եվրասիայի թուրքական միությունների ֆեդերացիան», «Աշխարհի թուրքմենների կրթական հիմնադրամը», «Գագաուզների եղբայրական-մշակութային համերաշխության միությունը», «Քոջաելիում ադրբեջանական տուն միությունը», «Էսքիշեհիրի ադրբեջանցիների միությունը» և այլ կազմակերպություններ:

Ermenihaber.am