Թուրքիայի հայկական դպրոցները ցանկանում են կրոնի առարկայի քննությունն անցկացնել հայերենով

Գիտակրթական07:25, 21 Նոյեմբեր 2014

Թուրքիայի հայկական դպրոցները ցանկանում են կրոնի առարկայի քննությունն անցկացնել հայերենով

Նոյեմբերի 26-27-ին Թուրքիայում շուրջ 1 մլն 287 հազար աշակերտ (8-րդ դասարանցիներ) կմասնակցի միասնական քննություններին՝ հիմնական դպրոցներից միջնական դպրոցներ ընդունվելու համար:

Սակայն, ինչպես տեղեկացնում է թուրքական «Արջա աժանս» լրատվական կայքը, դեռևս պարզ չէ, թե ինչպես են քննությանը մասնակցելու մասնավոր և ազգային փոքրամասնություններին պատկանող դպրոցների աշակերտները:
Փոքրամասնաություններին պատկանող դպրոցների այդ թվում և հայկական դպրոցների աշակերտների համար դեռևս չի լուծվել կրոնի դասի խնդիրը: Նշվում է, որ հայկական դպրոցները նախարարությունից պահանջել էին, որպեսզի կրոնի առարկայի քննությունն անցկացվի հայերեն լեզվով: Խնդրի վերաբերյալ դեռևս վերջնական որոշում չի կայացվել: Սակայն, հայտնի է, որ հայկական դպրոնցերը սեփական կրոնի առարկայի առնչությամբ խնդրագիր են ներկայացրել նախարարությանը:

Նշենք, որ Օսմանյան ժամանակաշրջանում կառուցված բազմաթիվ հայկական դպրոցներ Հայոց ցեղասպանությունից և Թուրքիայի Հանրապետության հռչակումից հետո սկսեցին աստիճանաբար փակվել: Այժմ Թուրքիայում գործում է 19 հայկական դպրոց, որոնցից 6-ը պատկանում է տեղի կաթոլիկ հայ համայնքին: Դպրոցներում սովորող աշակերտների թիվը հասնում է 3 հազարի: Համեմատության համար նշենք, որ 1914-ին Պոլսում (Ստամբուլ) գործել է 64 հայկական դպրոց, որտեղ ուսանել է 25 հազար աշակերտ: Իսկ 19-րդ դարավերջին Պոլսում եղել է 90 հայկական դպրոց:

Ermenihaber.am

Այս ենթաբաժնի վերջին նորությունները

11:10, 05 սեպ

Թուրքիան ու Վրաստանը կնքել են համագործակցության հուշագիր

Հուշագրի հիմնական նպատակն է իրականացնել համատեղ ծրագրեր՝ երիտասարդության ոլորտում գործընկերության ամրապնդման ուղղությամբ։

12:45, 30 մայ

Բերքլիի համալսարանում ադրբեջանցիների ճնշմամբ կրկին չեղարկվել է Արցախի մասին ֆիլմի ցուցադրությունը

Նշենք, որ ֆիլմի ռեժիսորը Սարին Հայրապետյանն է և ֆիլմը պատմում է 11 տարեկան տղայի մասին, ով տեղահանվել էր Արցախից Հայաստանի և Ադրբեջանի միջև 44-օրյա պատերազմի ժամանակ։