Հայի տունը Թուրքիայի Հանրապետության խորհրդանիշն է դարձել

Հասարակական08:41, 30 Հոկտեմբեր 2014

Հայի տունը Թուրքիայի Հանրապետության խորհրդանիշն է դարձել

Թուրքիայի նախագահական նստավայրը դարձել է հանրապետության խորհրդանիշը: Այս մասին գրում է թուրք բլոգեր Օսման Օզքերը «Միլլիյեթ» թերթի կայքի բլոգում: Նրա կարծիքով իշխող «Արդարություն և զարգացում» կուսակցությունը և նախագահ Ռեջեփ Թայիփ Էրդողանը, Աթաթուրքի և նրա հեղափոխության, հանրապետության հետ վեճ ունեցողները ցանկանում են «այդ սուրբ վայրը» ժողովրդի սրտից պոկել: Հիշեցնենք, որ նախագահ ընտրվելուց հետո Էրդողանը հայտարարել էր նախագահական նստավայրն այլ վայր տեղափոխելու ցանկության մասին:

Թուրք բլոգերը, անդադարձ կատարելով կառույցի պատմությանը, հիշեցրել է, որ այն պատկանել է հայ առևտրական Քասաբյանին, ով «պատերազմի տարիներին» տունը վաճառել էր Թևֆիկ էֆենդիին: Չանքայայի լանջերին գտնվող երկհարկանի քարե տունը շատ էր հավանել հանրապետության հիմնադիրը, ինչի մասին իմանալով Անկարայի մուֆթին հանգանակություն է անում ժողովրդից և, 4500 թուրքական լիրայով գնելով Թևֆիկ էֆենդիից, նվիրում է Աթաթուրքին: Վերջինս այն ընդունում է մեկ պայմանով՝ այն պետք է նվիրաբերվի թուրքական զինված ուժերին: Նրա պայմանն ընդունվում է և այն գրացնվում է ԶՈՒ-ի հաշվեկշռին:

Օզքերը գրում է, որ Չանքայայի նստավայրն արդեն 93 տարի է, ինչ ծառայում է հանրապետւթյանը, և նրա պատմության բոլոր կարևոր որոշումները սկսած Աթաթուրքի ժամանակներից կայացվել են հենց այնտեղ: Այն թուրքերի գիտակցության մեջ մխրճվել է որպես պատմական հաստատություն, կառույց, որն անվանել են նաև «1071 համարի բարձունք»՝ որպես «1071 թվականին թուրքերի Անատալոիա մուտք գործելու» խորհրդանիշ:

Ըստ բլոգերի՝ ժողովուրդը երբեք չի մոռանա նրանց, ովքեր ցանկանում են կողպել Հանրապետության և մեծ առաջնորդ Աթաթուրքի խորհրդանիշ Չանքայա նստավայրի դռները:

Ermenihaber.am