Թուրքիայում մամուլը 2005-ից սկսած տարեցտարի ավելի անազատ է դառնում

Տարածաշրջան08:54, 27 Հոկտեմբեր 2014

Թուրքիայում մամուլը 2005-ից սկսած տարեցտարի ավելի անազատ է դառնում

Թուրքիայում մամուլի ազատության ցուցանիշը տարեցտարի անկում է ապրում: «Լրագրողներ առանց սահմանների» միջազգային իրավապաշտպան կազմակերպությունը իր կազմած տեղեկագրում Թուրքիայի մասին հետևյալն է նշում:

«Արդարություն և զարգացում կուսակցության» (ԱԶԿ-AKP) իշխանության ավելի քան 10 տարվա ընթացքում Թուրքիայում կոտրվել են քեմալիզմի գաղափարախոսության հետ կապված որոշակի տաբուներ, իսկ բանակը կորցրել է իր երբեմնի ազդեցությունը քաղաքականության և մեդիայի վրա»:

Այդուհանդերձ խոսքի ազատությունը Թուրքիայում շարունակում է հետապնդումների ենթարկվել: Ձերբակալված լրագրողների թիվն աննախադեպ չափերի է հասել` համեմատած նույնիսկ զինվորական ռեժիմի տարիների հետ: 2013 թվականին կալանավորված 60 լրագրողների թվով Թուրքիան աշխարհում զբաղեցրել էր առաջին անպատվաբեր հորիզոնականը: Գեզիի հակակառավարական մեծամասշտաբ ցույցերի ժամանակ թուրքական իշխանությունները ոստիկանական բռնաճնշումների ենթարկեցին լրատվամիջոցների 153 ներկայացուցչի:

Թուրքական «Գազեթե Ա» լրատվակայքը ուշադրություն է հրավիրում այն իրողության վրա, թե ինչպես է Թուրքիան 2005-ից ի վեր հետընթաց արձանագրում մամուլի ազատության ապահովման հարցում:

Այսպիսով, ըստ «Լրագրողներ առանց սահմանների» միջազգային կազմակերպության կազմած մամուլի ազատության ինդեքսում Թուրքիան աշխարհի 180 երկների շարքում հետևյալ տեղերն է զբաղեցրել.

2005-ին 98-րդ

2006-ին 100-րդ

2007-ին 101-րդ

2008-ին 103-րդ

2009-ին 123-րդ

2010-ին 138 –րդ

2011-ին 138 -րդ

2012-ին 148-րդ

2013-ին 154-րդ

2014-ին 154-րդ

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: