Թուրքիայի առաջին դեմքերը` հայ գեղանկարչի կտավներում (լուսանկարներ)

Մշակութային09:11, 22 Հոկտեմբեր 2014

Թուրքիայի առաջին դեմքերը` հայ գեղանկարչի կտավներում (լուսանկարներ)

Թուրքիայի քաղաքացի ազգությամբ հայ գեղանկարիչ և քանդակագործ Էրոլ Սարաֆյանը 1997-ից ի վեր կտավին է հանձնում այդ երկրի բազմաթիվ պետական բարձրաստիճան այրերին` սկսյալ Մուստաֆա Քեմալ Աթաթուրքից, ով եղել է Թուրքիայի Հանրապետության հիմնադիրն ու առաջին նախագահը:

Հոկտեմբերի 25-ին Էրոլ Սարաֆյանը պատրաստվում է կազմակերպել իր 9-րդ ցուցահանդեսը, որը կայանալու է Գումգափուի Սուրբ Մարիամ աստվածածին եկեղեցում: Ինչպես հայտնում է, թուրքական «Հաբերիփ» կայքը, ցուցադրվելիք 40 կտավների շարքում լինելու են Աթաթուրքի, Ռեջեփ Թայիփ Էրդողանի (նախագահ), Ահմեթ Դավութօղլուի (վարչապետ), Աբդուլլահ Գյուլի (նախկին նախագահ) և պաշտոնատար այլ անձնանց դիմանկարները: Ցուցահանդեսի բացմանը հրավիրված է մասնակցելու նաև Պոլսի հայոց պատրիարքի փոխանորդ Արամ արքեպիսկոպոս Աթեշյանը:

Էրոլ Սարաֆյանը ծնվել է ճարտարապետների ընտանքիում 1937-ին Ստամբուլում: Բարձրագույն մասնագիտական կրթությունը ստացել է Ստամբուլի գեղարվեստի ակադեմիայում: Հռոմի Պապ Հովհաննես Պողոս 2-րդի համար արած դիմանկարի համար Վատիկանի կողմից պարգևատրվել է մեդալով: Սարաֆյանն էլ իր այդ կտավը նվիրել է Վատիկանի թանգարանին:

Ermenihaber.am

Այս ենթաբաժնի վերջին նորությունները

11:55, 15 ապր

Թուրքիայում կհեռարձակվի առաջին հայկական սերիալը

Սերիալը կհեռարձակվի «Լույս TV»-ի եթերում՝ հայերեն հնչողությամբ և թուրքերեն ենթագրով։

15:20, 11 ապր

Բուրսայում փլուզման եզրին գտնվող 300-ամյա հայկական եկեղեցին կվերածվի մշակութային կենտրոնի

Եկեղեցուն զուգահեռ վերանորոգվելու է հարակից տարածքում գտնվող և նախկինում ÇEK-ի կողմից շահագործված շենքը, որը ևս մշակութային կենտրոնի մի մասն է կազմելու: