«Ագոս»-ն իրավական գործընթաց է սկսել իր ադրբեջանցի թղթակցին պաշտպանելու համար

Տարածաշրջան13:45, 16 Հոկտեմբեր 2014

«Ագոս»-ն իրավական գործընթաց է սկսել իր ադրբեջանցի թղթակցին պաշտպանելու համար

Ստամբուլում հրատարակվող «Ագոս» թերթին թղթակցող ադրբեջանցի լրագրողուի Արզու Գեյբուլլաևայի հասցեին հայատյաց շրջանակների կողմից շարունակվում է սպառնալիքների տարափը թե Թուրքիայում, թե Ադրբեջանում: Գեյբուլլաևան հայկական պարբերականի հետ աշխատելու համար թիրախ է դարձել սեփական երկրի լրագրողական հանրության համար:

Ադրբեջանցի լրագրողուհին Twitter-ի միջոցով տեղեկացրել է, որ Թուրքիայից մահվան սպառնալիք է ստացել: Ֆեյսբուքյան մի օգտատեր սպառնացել է սպանել Գեյբուլլաևային` վերջինիս շուն անվանելով և խորհուրդ տալով վայելել ապրելու համար մնացած վերջին օրերը: «Ագոս» պարբերականն իր թղթակցին ուղղված նման սպառնալիքի կապակցությամբ իրավական գործընթաց է սկսել:

Ադրբեջանցի հալածյալ լրագրողին աջակցություն են հայտնել «Լրագրողներ առանց սահմանների» կազմակերպությունը, Թուրքիայի լրագրողական համայնքը: Իսկ գրողների միջազգային միությունը (PEN) Ադրբեւանի և Թուրքիայի իշխանություններին կոչ է արել միջոցներ ձեռնարկել`Գերբուլլաևայի անվտանգությունն ապահովելու ուղղությամբ:

Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։