Իրավական08:25, 14 Հոկտեմբեր 2014
Թուրք իրավաբանը կարևորում է հայերից ներողություն խնդրելը
Թուրքիայում
գործող «Ազատական-ժողովրդական իրավաբանների» կազմակերպության իրավաբան Էրջան
Քանարը հայտարարել է, որ երկրում բնակվող փոքրամասնությունների իրավունքները
վտանգված են:
Նա նշել
է, որ Թուրքիայում կան բազմաթիվ խնդիրներ, որոնց պետք է իրավական լուծում տրվի:
Ըստ նրա՝ դրանցից առջնայինը քրդական հարցն է: Քանարի գնահատմամբ՝ Թուրքիայում
փոքրամասնությունների իրավունքները վտանգված են, անգամ նրանց իրավունքներին
վերաբերող միջազգային համաձայանագրերը դեռևս չեն ընդունվել: Իսկ պետությունը
հրաժարվում է առերեսվել անցյալում գործած ցեղասպանության հետ: «Շուտով Հայոց
ցեղասպանության 100-րդ տարելիցն է և պետք է առերեսվել այդ իրողության հետ: Հայ ժողովրդից պետք է նեողություն խնդրել»,-ասել է Քանարը: Նա նաև հայտնել է, որ իրենց
կազմակերպությունը դեմ է Թուրքիայի նախագահ Ռեջեփ Թայիփ Էրդողանին և նրան աջակցող
իշխանական
«Արդարություն և զարգացում»
կուսակցությանը, որոնք օժանդակում են վերջին շրջանում մարդկային կորուստների պատճառ
դարձած «Իսլամական պետություն» (ԻՊ) ահաբեկչական կազմակերպությանը:
Իրավաբանը
նաև քննադատել է իշխող կուսկացության
կրոնական քաղաքականությունը, որով պարտադրվում է իսլամի սունիական դավանանքի
հանիֆիական ճյուղի դասավանդումը:
«Ազատական-ժողովրդական իրավաբանների» կազմակերպությունը պատրաստվում է մասնակցել Ստամբուլի իրավաբանների ասոցիացիայի համանախագահների ընտրություններին և առաջադրել է երկու իրավաբանի՝ Էրջան Քանարի և Յըլդըզ Իմրեքի թեկնածությունը: Վերջիններս թուրքական «Դեմոկրատ հաբեր» լրատվական կայքին ներկայացրել են Ստամբուլի իրավաբանների ասոցիացիայի ապագայի վերաբերյալ իրենց տեսլականը: Նրանք նշել են, որ աշխատելու են ժողովրդավարական հասարակության ձևավորման, ժողովուրդների եղբայրության, փոքրամասնությունների իրավունքների պաշտպանության, բանվորների, թոշակառուների, ճնշումների ենթարկվողների, կանանց, ժողովուրդների իրավունքների հավասարության համար:
Ermenihaber.am
Այս ենթաբաժնի վերջին նորությունները
Դիարբեքիրի փաստաբանական պալատի վարչության անդամը նշել է, որ Թուրքիայում երեխաների աշխատանքը հասարակության մեջ նորմալ է ընկալվում «վարպետ-աշակերտ հարաբերության» քողի ներքո։
Թուրքիայի ՆԳՆ-ի հայտարարության մեջ նշվել է նաև, որ այդ համայնքապետերի նկատմամբ հետաքննություն է իրականացվում «պարտադրանքով կաշառք ստանալու» մեղադրանքով։
Պատճառն այն է, որ Օզգյուր Օզելը «վիրավորական խոսքեր» է հնչեցրել Ստամբուլի գլխավոր դատախազ Աքըն Գյուրլեքի հասցեին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թերթի խմբագիր Տանձիկյանը ներկայացնում է, թե որը կարող է լինել այս «աշխատանքային այցի» օրակարգը, հատկապես, երբ տարածաշրջանը կրկին պատերազմի մեջ է Իրանի վրա Իսրայելի հարձակման պատճառով:
Նիկոլ Փաշինյանը հանդիպում կունենա տեղի հայ համայնքի ներկայացուցիչների հետ։
Աբբաս Արաղչին Ստամբուլում կմասնակցի «Իսլամական համագործակցություն» կազմակերպության անդամ երկրների արտգործնախարարների խորհդի նիստին:
Թուրքիայի պաշտպանության նախարար Յաշար Գյուլերը մասնակցել է Ադրբեջանի զինված ուժերի օրվա կապակցությամբ Անկարայում կազմակերպված ընդունելությանը։
Թուրքիայի նախագահ Ռեջեփ Թայիփ Էրդողանն և Ադրբեջանի նախագահ Իլհամ Ալիևը մասնակցել են Քահրամանմարաշում «Ադրբեջանական թաղամաս» համալիրի բացմանը Էրդողանը ելույթն ավարտել է քահարամանմարաշցի բան
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |