Ահաբեկչական կազմակերպություններին աջակցող Թուրքիայի քաղաքացին ԱՄՆ-ի սև ցուցակում է

Տարածաշրջան11:30, 26 Սեպտեմբեր 2014

Ահաբեկչական կազմակերպություններին աջակցող Թուրքիայի քաղաքացին ԱՄՆ-ի սև ցուցակում է

ՄԱԿ-ի Անվտանգության խորհուրդը նախօրեին ընդունել է «Արտասահմանյան գրոհայիններ» դեմ բանաձևը, ինչից հետո էլ պաշտոնական Վաշինգթոնը որոշել է ընդլայնել ջիհադական կազմակերպությունների դեմ պատժամիջոցները: ԱՄՆ-ը կազմել է մեկ կազմակերպության և 11 անձի անվանումներից բաղկացած ցուցակ, որոնք ֆինանսական կամ այլ բնույթի օգնություն են ցույց տալիս «Իսլամական Պետություն», «Ալ Քաիդա», «Ալ Նուսրայի ճակատ» և այլ ծայրահեղական կազմակերպություններին:

Պատժիչ ցուցակի մեջ է ընդգրկվել Թուրքիայի մեկ քաղաքացի, ևս 3-ը իրենց գործունեությամբ տարբեր կերպ կապված են Թուրքիայի հետ:

Թուրքական «Ջումհուրիյեթ» լրատվական կայքի հաղորդմամբ՝ ամերիկյան համապատասխան կառույցի տարածած հայտարարության համաձայն՝ վերոնշյալ ցուցակի մեջ ընդգրկված Թուրքիայի քաղաքացին ծնունդով Մալաթիայից 25 ամյա թուրք երիտասարդ Ֆաթիհ Հասարն է: Հասարը մեղադրվում է Աֆղանստանի, Պակիստանի ծայրահեղականներին գումար ուղարկելու ու «Ալ Քաիդայի անդամներին ուղարկված 100 հազարավոր դոլարների փոխանցումները կազմակերպելու մեջ: Վերջինս մեղադրվում է նաև «Ալ Քաիդայի» սիրիական թևը հադիսացող «Ալ Նուսրա» ահաբեկչական կազմակերպությանն ուղարկված գումարների տրանսֆերտները կազմակերպելու մեջ:

Ցուցակում տեղ գտած 3 հոգի ևս մեղադրվում են Թուրքիայի տարածքով դեպի Սիրիա ջիհադականների հոսք կազմակերպելու մեջ:

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: