Իսլամիստ ահաբեկիչներն ազատ են արձակել Թուրքիայի հյուպատոսին և մյուս 48 պատանդներին

Տարածաշրջան08:55, 20 Սեպտեմբեր 2014

Իսլամիստ ահաբեկիչներն ազատ են արձակել Թուրքիայի հյուպատոսին և մյուս 48 պատանդներին

«Իսլամական պետություն» ահաբեկչական խմբավորման զինյալներն այսօր վաղ առավոտյան ազատ են արձակել 101 օր առաջ Մոսուլի թուրքական հյուպատոսարանի 49 աշխատակիցների, այդ թվում և հյուպատոսին: Աքչաքալե սահմանային անցակետից ազատ արձակված թուրք պատանդները տեղափոխել են Շանլըուրֆա:

Ինչպես հայտնում է թուրքական «Ջումհուրիյեթ» լրատվականը, վարչապետ Ահմեթ Դավութօղլուն, ընդհատելով Ադրբեջան կատարած այցը, վերադարձել է Թուրքիա և Շանլըուրֆայում տեսակցել ազատ արձակված պատանդներին: Դավութօղլուն ընդգծված ջերմությամբ ողջագուրվել է Մոսուլում Թուրքիայի հյուպատոս Օզթուրք Յըլմազի հետ` քանիցս համբուրելով նրա ճակատը:

Ազատ արձակված պատանդների հետ ավելի քան մեկ ժամ զրույց ունենալուց հետո Դավութօղլուն նրանց հետ ուղևորվել է Անկարա:

Պատանդների ազատ արձակման կապակցությամբ Twitter-ում գրառում կատրած Դավութօղլուն աչքալուսանք է տվել թուրք ժողովրդին և հատուկ շնորհակալություն հայտնել Թուրքիայի ազգային հետախուզական ծառայության ղեկավար Հաքան Ֆիդանին և մյուս աշխատակիցներին, որոնց գործադրած ջանքերը փաստորեն հաջողությամբ են պսակվել:

Ermenihaber.am

Այս ենթաբաժնի վերջին նորությունները

10:50, 12 մայ

Քրդերի ռազմաքաղաքական կառույցը վայր է դնում զենքերը և ինքնալուծարվում

Այդ մասին հայտարարվել է «Քուրդիստանի բանվորական կուսակցությունը» մայիսի 5-ից 7-ը գումարված 12-րդ կոնգրեսի որոշումների հիման վրա։

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։