Թուրքիան Իսրայելի հետ էներգետիկ նախագիծ չի իրականացնի մինչև Գազայում խաղաղություն չհաստատվի

Տարածաշրջան06:52, 11 Սեպտեմբեր 2014

Թուրքիան Իսրայելի հետ էներգետիկ նախագիծ չի իրականացնի մինչև Գազայում խաղաղություն չհաստատվի

Թուրքիայի էներգետիկայի և բնական պաշարների նախարար Թաներ Յըլդըզը բացառել է Անկարայի կողմից Իսրայելի հետ էներգետիկ նախագծերի իրականացումն այնքան ժամանակ, քանի դեռ Գազայի հատվածում կայուն խաղաղություն չի հաստատվել: Այս մասին նախարարը հայտարարել է Միջերկրական ծովի էներգետիկ հեռանկարների վերաբերյալ զեկույցի համար գումարված ժողովին լրագրողների հետ հանդիպմանը:

«Չի կարող խոսք լինել որևէ էներգետիկ նախագծի իրականացման մասին, քանի դեռ բոլոր կողմերի մասնակցությամբ և անհրաժեշտ պայմանների առկայությամբ խաղաղություն չի հաստատվել: Այնտեղ (Գազայում) տեղի ունեցող մարդկային ողբերգությունը կարծեք թե շատ արագ է մոռացվում: Մենք էներգետիկ նախագծերը կյանքի կկոչենք, երբ Իսրայելը զինադադարի հաստատման ուղղությամբ քայլեր կատարի»,- ըստ թուրքական «Սաբահ» պարբերականի` նշել է նախարար Յըլդըզը:

Վերջին տարիներին բնական գազի պաշարներ հայտանաբերած Իսրայելը որպեսզի կարողանա դրանք դուրս բերել համաշխարհային շուկա, կարիք ունի Թուրքիայով անցնող գազատարի կառուցման: Թուրք նախարարը, սակայն, գազամուղի կառուցումը հնարավոր է համարում Գազայի հատվածում խաղաղության հաստատման դեպքում միայն:

Ermenihaber.am

Այս ենթաբաժնի վերջին նորությունները

10:50, 12 մայ

Քրդերի ռազմաքաղաքական կառույցը վայր է դնում զենքերը և ինքնալուծարվում

Այդ մասին հայտարարվել է «Քուրդիստանի բանվորական կուսակցությունը» մայիսի 5-ից 7-ը գումարված 12-րդ կոնգրեսի որոշումների հիման վրա։

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։