ERMENI HABER AJANSI

Թուրքիայում օգոստոսի 10-ին անցկացված նախագահական ընտրութունների արդյունքում հանրապետական Թուրքիայի պատմության մեջ (սկսյալ 1923-ից) առաջին անգամ նախագահին ընտրում է ժողովուրդը հանրաքվեի միջոցով, այլ ոչ թե խորհրդարանը` Թուրքիայի ազգային մեծ ժողովը:

Իշխող «Արդարություն և զարգացում» կուսակցության առաջադրած թեկնածուն` երկրի վարչապետ Ռեջեփ Թայիփ Էրդողանը, սատանալով քվեների 51.8 %-ը, առավելության հասավ ընդդիմադիր ճամբարը ներկայացնող երկու մրցակիցների` Էքմելեդդին Իհսանօլղուի և Սելահաթթին Դեմիրթաշի նկատմամբ:

Թուրքական «Ջումհուրիյեթ» պարբերականի ծաղրանկարիչներ Մուսա Քարթը և Իղնելի Ֆըրչան անդրադարձել են Էրդողանի հաղթանակի և ընդդիմության պարտության թեմային:

Առաջին ծաղրանկարում պատկերված է Էրդողանը, ով բարձրացել, հասել է նախագահի բաղձալի գահին, որի տակ, սակայն, պահող որևէ հենարան չկա:

Երկրորդում պատկերված ֆրանսիացի քանդակագործ Օգյուստ Ռոդենի հայտնի «Մտածողը» մարմնավորում է Թուրքիայի ընդդիմադությանը, որը մտորում է. «Ես որտե՞ղ սխալ չարեցի, ես որտե՞ղ սխալ չարեցի...»:

Նշենք, որ փորձագիտական հանրությունում տեսակետ կա, որ Էրդողանին նախագահի աթոռը նվիրեց ընդդիմությունը:

ԵԱՀԿ զեկույցի համաձայն` Թուրքիայում նախագահական ընտրություններն անցկացվել են թեկնածուների համար ընտրապայքարի և քարոզարշավի անհավասար պայմաններում: Թեկնածու Էրդողանն օգտագործել է որպես վարչապետ իր տրամադրության տակ եղած վարչական լծակները:

Միջազգային մամուլը տարբեր գնահատականներով հանդես եկավ` սկսած այն բանից, որ «Էրդողանը ամենաժողովրդական քաղաքակն գործիչն է» (Wall Street Journal), մինչև այն, որ «Սուլթանը հաղթել է» (Bild), «նախագահի ինստիտուտն ավելի է նպաստելու Էրդողանի ավտորիտար հակումներին» (Der Spiegel):

Ermenihaber.am