Էրդողան. «Նրանք թուրք, քուրդ, լազ, վրացի, հույն, հայ լինելուց առաջ Թուրքիայի քաղաքացի են»

Տարածաշրջան07:39, 11 Օգոստոս 2014

Էրդողան. «Նրանք թուրք, քուրդ, լազ, վրացի, հույն, հայ լինելուց առաջ Թուրքիայի քաղաքացի են»

Թուրքիայում երեկ տեղի ունեցած նախագահական ընտրություններում նախնական տվյալներով հաղթել է ներկայիս վարչապետ Ռեջեփ Թայիփ Էրդողանը՝ ստանալով ընտրողների ձայների 51.7 տոկոսը:

Ընտրությունների տվյալները հայտնի դառնալուց հետո Էրդողանը պատշգամբից դիմել է Թուրքիայի քաղաքցիներին՝ շնորհակալություն հայտնելով յուրաքանչիուրին ընտրություններին մասնակցելու համար:

Էրդողանը, ելույթում նշելով, թե այս ընտրություններում հաղթել է ժողովրդավարությունը, ասել է. «Այս ընտրություններում հաղթել են և՛ իմ օգտին քվեարկողները, և՛ չքվեարկողները, և՛ ինձ սիրողները, և՛ չսիրողները: Այսօր ոչ միայն Թուրքիան, այլև Դամասկոսը, Բաղդադը, Բոսնիա և Հերցեգովինան, Գազան, Երուսաղեմն են հաղթել»:

Էրդողանը նաև խոսել է Թուրքիայի կրոնական և ազգային փոքրամասնությունների մասին: «Նրանք մահմեդական, քրիստոնյա, հուդայական, ասորի լինելուց առաջ Թուրքիայի քաղաքացի են: Թուրք, քուրդ, լազ, վրացի, հույն, հայ լինելուց առաջ Թուրքիայի քաղաքացի են»,- Էրդողանի խոսքերը մեջբերում է Թուրքական «Ջումհյուրիյեթ» թերթը:

Հիշեցնենք, որ ընտրություններից առաջ Էրդողանը ուղիղ եթերում վիրավորել էր հայերին՝ ասելով. «Ներողություն ինձ անգամ հայ են անվանել»:

ՀՀ նախագահ Սերժ Սարգսյանն էլ, անդրադառնալով Էրդողանի վերոնշյալ խայտառակ բնույթի ռասիստական հայտարարությանը, «Armnews» հեռուստաընկերության եթերում ասել էր. «Ես կարծում եմ, որ հայերի համար էլ վիրավորական կլիներ, եթե հանկարծ պարզվեր, որ Էրդողանը հայ է»:

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: