Հրեա հոգևորականը հիշեցրել է Հայոց ցեղասպանության 1.5 մլն զոհերի փաստը

Հասարակական11:29, 01 Օգոստոս 2014

Հրեա հոգևորականը հիշեցրել է Հայոց ցեղասպանության 1.5 մլն զոհերի փաստը

ԱՄՆ-ում ամենաճաաչված հրեա հոգևորական Շմուլի Բոտիչը իսրայելական հայտնի «Jerusalem Post»-ի համար գրած հոդվածում քննադատել է Պենելոպա Քրուզ և Խավիեր Բարդեմ աստղային զույգի կողմից գրված նամակը, որում նրանք Իսրայելին կոչ էին արել վերջ դնել Գազայում իրականացվող բռնություններին:

Հրեա հոգևորականը նրանց հակասեմիթականներ է անվանել և հարցրել, թե ինչպես են վերջիններս վերաբերվում Թուրքիայի վարչապետ Ռեջեփ Թայիփ Էրդողանին: Բոտիչ մասնավորապես ասել է. «Բարդեմն ու Քրուզն ին՞չ գիտեն ցեղասպանության մասին: Երևում է նրանք ցեղասպանությունից հասկանում են այնքանով, որքանով Իսրայելը պաղեստինցիների ու Համասի նկատմամբ ցեղասպանություն է իրականացում: Սակայն տեսնելով հասարակական արձագանքները՝ ինձ հետաքրքրեց, թե ի՞նչ աստիճանի են նրանք տեղեկացված այդ թեմայից: Օրինակ՝ նրանք գիտե՞ն, թե ինչու Թուրքիայի վարչապետ Էրդողանը չի ընդունում 1-ին համաշխարհային պատերազմի ժամանակ Օսմանյան կայսրության կողմից 1.5 միլիոն հայերի սպանվելու փաստը»:

Թուրքական «Մեդիաթավա» լրատվական կայքի հաղորդմամբ՝ Բոտիչը նամակով հարցադրումներ է արել զույգին նաև աշխարհում առկա այլ հակամարտությունների, իրագործված ցեղասպանությունների ու նմանատիպ հանցագործությունների մասին վերջիններիս տեղեկացվածության մասին:

Նշենք, որ հայտնի դերասաններ, ամուսիններ Պենելոպա Քրուզն ու Խավիեր Բարդեմը նամակով կոչ էին արել Իսրայելին վերջ դնել Գազայում իրականացվող սպանություններին: Վերջիններիս կողմից Գազայում կատարվող դեպքերը ցեղասպանություն բնութագրելը համընկնում է Թուրքիայի վարչապետ Թայիփ Էրդողանի տեսակետների հետ, ով Իսրայելի կողմից օպերացիայի սկսման օրվանից չի դադարում կոշտ քննադատություններ հնչեցնել վերջինիս հասցեին:

Ermenihaber.am